20:14, 02 - تامىز 2018 | GMT +6
شىمكەنت زووباعىندا تۇيەقۇستىڭ 6 بالاپانى جۇمىرتقانى جارىپ شىقتى
شىمكەنت. قازاقپارات - شىمكەنت زووباعىنىڭ تاريحىندا العاش رەت جۇمىرتقالاردان تۇيەقۇس بالاپاندارى جارىپ شىقتى، دەپ حابارلايدى قازاقپارات ءتىلشىسى.
قۋانىشتى جاڭالىقپەن حايۋاناتتار باعىنىڭ باسپا ءسوز حاتشىسى داستان باشيروۆ ءبولىستى. وقيعا ءبىر ايدان استام ۋاقىت بۇرىن بولعان. تۇيەقۇستىڭ 6 بالاپانى جۇمىرتقانى جارىپ شىققان. بارلىعىنىڭ جاعدايى جاقسى. ءدال ءقازىر ينكۋباتوردا قوسىمشا 6 جۇمىرتقا بار. ولاردىڭ بارلىعى - افريكالىق 5 تۇيەقۇستىڭ ءتولى.
«تۇيەقۇستىڭ جۇمىرتقالارى ءىرى كەلەدى، ءارقايسىسىنىڭ سالماعى - 1,5 كەلى. ەرەسەك تۇيەكقۇستار - ەڭ ۇلكەندەرى، ولاردىڭ بويى 2,7 مەتر، سالماعى 130 كەلىگە دەيىن بارادى. تۇيەقۇستار كوبىنە شولەيت جەرلەردى مەكەن ەتەدى، جىلدامدىقتارى ساعاتىنا 72 شاقىرىمعا جەتەدى»، - دەيدى د. باشيروۆ.
