ەر ادامداردىڭ شاشى ءتۇسۋىنىڭ 6 سەبەبى
مۇنداي تاقىرلانۋ ماڭدايدان جانە توبەدەن باستالادى. تاراقتا قالعان ازداعان شاش مولشەرى قالىپتى سانالادى. ادامداردىڭ كوپشىلىگى كۇنىنە 100-دەن 200-گە دەيىن شاش جوعالتادى. ءبىراق كەيدە كوپ شاش تۇسسە دە، ونىڭ تاقىرلانۋ بولماۋى مۇمكىن. شاش ءتۇسۋى مۇمكىن 6 سەبەپتى ۇسىنامىز.
1. قالقانشا بەزدىڭ جۇمىسى بۇزىلۋى قالقانشا بەز شاشتىڭ ءوسۋىن جانە ساپاسىن رەتتەۋگە كومەكتەسەدى. قالقانشا بەز قىزمەتىنىڭ كۇشەيۋى (گيپەرتيرەوز) كەزىندە جانە قالقانشا بەز قىزمەتىنىڭ تومەندەۋى (گيپوتيرەوز) كەزىندە دە شاش ءتۇسۋى مۇمكىن.
ەگەر شاش ءتۇسۋ قالقانشا بەز گورموندارىنىڭ سەبەبىنەن بولسا، تەك بەلگىلى ءبىر جەردە ەمەس، بۇكىل دەنەڭىزدە تۇكتىڭ ازايۋىن بايقايسىز. انىعىن ءبىلۋ ءۇشىن قانداعى گورمونداردى تەكسەرەتىن اناليز تاپسىرۋ كەرەك. ناتيجە قالىپتىدان اۋىتقىپ كەتكەن بولسا، ەندوكرينولوگ نەمەسە دەرماتولوگ گورمون دەڭگەيىن قالپىنا كەلتىرۋگە كومەكتەسەدى. سودان سوڭ قايتادان شاشتىڭ وسە باستاعانىن بايقايسىز.
2. قاتتى كۇيزەلىس نەمەسە اۋرۋ ەگەر شاشىڭىز تاراۋ كەزىندە وڭاي الىنىپ قالىپ جاتسا، ول قانداي دا ءبىر كۇيزەلىستەن تۋعان بولۋى مۇمكىن. بۇل كەزدە تەك ناقتى جەردە ەمەس، باسىڭىزدىڭ بارلىق جەرىندە شاشتىڭ ءتۇسۋى بايقالادى. مۇنداي شاش ءتۇسۋ سەبەپ بولعان وقيعادان سوڭ، 3 ايدان 6 ايعا دەيىن بايقالادى. بۇل جاعدايدا كوپشىلىك ادامنىڭ جاعدايى وزدىگىنەن جوندەلەدى.
3. ينفەكسيا اينالمالى شاش ءتۇسۋ ساڭىراۋقۇلاق ينفەكسياسىنان شاقىرىلعان بولۋى مۇمكىن. بۇل ينفەكتسيا تاسۋشى اداممەن تىكەلەي بايلانىس كەزىندە نەمەسە سۇلگىنى، توسەك- ورىندى ورتاق قولدانعان كەزدە جۇعادى. بۇل - جۇقپالى اۋرۋ. ول قىزارۋعا، قاباتتانۋعا اكەلىپ، كەيدە شاش ءتۇسۋدىڭ اينالمالى سىزىعى بويىمەن ءىرىڭ پايدا بولۋى مۇمكىن. ەگەر اناليز وڭ بولىپ شىقسا، ادەتتە ينفەكتسيانى ەمدەيتىن دارىلىك قۇرالدار جازىپ بەرەدى. ينفەكتسيا تولىقتاي كەتكەن كەزدە شاش قايتا وسە باستايدى.
4. بەلگىلى دارىلەر نەمەسە قوسپالار ءىشۋ ءتۇرلى ادامدار دارىلىك قۇرالدارعا ءار ءتۇرلى اسەر بەرەدى. شاش تۇسۋىنە ىقپال ەتەتىن دارىلىك قۇرالدارعا ستەرويدتار، دەپرەسسياعا قارسى دارىلەر، بەزەۋدى ەمدەۋگە قولداناتىن ا دارۋمەنى تۋىندىسى جاتادى. مۇنداي جاعدايدا ءدارىنى قابىلداۋدى توقتاتۋ نەمەسە باسقا دارىگە كوشۋ شاشتىڭ قايتا ءوسۋىن قالپىنا كەلتىرەدى. دارىگەرلەر شاش تۇسۋگە قارسى قوسپالاردى دا ابايلاپ ءىشۋدى ۇسىنادى.
سەبەبى ولاردىڭ كوپشىلىگىندە ا دارۋمەنى، ە دارۋمەنى، سەلەن نەمەسە ولاردىڭ قوسپاسى بولادى. ال بۇل قورەكتى زاتتاردىڭ كوپ دەڭگەيى اعزاعا كەرى اسەرىن بەرۋى ابدەن مۇكىن.
5. ۆەگاندىق ديەتاعا كوشۋ ەگەر اعزادا جەتكىلىكتى كولەمدە تەمىر بولماسا، باس تەرىسىنىڭ جالپى السىرەۋىن بايقايسىز. سەبەبى تەمىر جەتىسپەۋشىلىگى اعزاعا «ءتىرى قالۋ» رەجيمىن قوسادى.
ول ادەتتە، تۇكتى بەتكە قولدانىلاتىن قورەكتىك زاتتاردى جانە وتتەكتى الادى. سوندىقتان دارىگەر سىزگە قانداعى تەمىر دەڭگەيىن تەكسەرەتىن قاراپايىم اناليز تاپسىرۋدى سۇراۋى مۇمكىن. ەگەر دەڭگەي تومەن بولسا، قۇرامىندا تەمىرى بار قوسپالار نەمەسە جوعارى تەمىرى بار ديەتا جازىپ بەرۋى مۇمكىن. تەمىر دەڭگەيى قالپىنا كەلگەن سوڭ شاش قايتا وسە باستايدى. ءبىراق وعان بىرنەشە اي كەتۋى مۇمكىن.
6. اۋتويممۋندى اۋرۋ اينالمالى الوپەتسيا (شاش ءتۇسۋ) - يممۋندى جۇيە شاش قۇرىلۋىنا قاتىساتىن جاسۋشالارعا شابۋىل جاسايتىن اۋرۋ. كەي جاعدايدا اۋرۋ اۋىر بولۋى مۇمكىن جانە باس تەرىسىنىڭ بارلىق شاش بولىكتەرىنە، ءتىپتى قاس پەن ساقالعا اسەر ەتۋى ىقتيمال. سونىمەن قاتار، تىرناقتان تولقىندىق نەمەسە اق داق بايقاۋىڭىز مۇمكىن. ەگەر شاشىڭىز ءتۇسۋىن ۋايىمداساڭىز، دەرماتولوگقا قارالىڭىز.
بۇل سالاداعى دارىگەرلەردىڭ شاش اۋرۋلارىنا بايلانىستى ءبىلىمى كەڭىرەك بولىپ كەلەدى. ولار ونىڭ سەبەبىن انىقتاپ، قالپىنا كەلتىرۋگە كومەكتەسەدى.