فۋتبولدان ءا چ زاڭسىز كورسەتەتىن قازاقستاندىق مەيرامحانا يەلەرى 6 جىلعا سوتتالۋى مۇمكىن
بۇل اقپاراتتى «قازاقستان» ر ت ر ك» ا ق-نىڭ باسپا ءسوز قىزمەتى تاراتتى، دەپ حابارلايدى قازاقپارات ءتىلشىسى.
ايتا كەتەيىك، «قازاقستان» تەلەارناسى قازاقستان اۋماعىندا «FIFA 2018» - فۋتبولدان XXI الەم چەمپيوناتىنىڭ ويىندارىن تىكەلەي كورسەتۋگە جالعىز قۇقىق يەسى.
«كورپوراتسيا ءوزىنىڭ تەلەۆيزيالىق قۇقىعىن قورعاۋ بويىنشا بارلىق زاڭدى شارالاردى جۇزەگە اسىرادى. 14 -ماۋسىم مەن 15 -شىلدە ارالىعىندا فۋتبولدان الەم چەمپيوناتى وتەتىن كەزەڭدە كوشپەلى رەيدتەر ارقىلى زاڭسىز ترانسلياتسيالاردىڭ جولىن كەسۋ ءۇشىن «قازاقستان» ر ت ر ك» ا ق-نىڭ 25 جۇمىس توبى قۇرىلدى. ولارعا كورپوراتسيانىڭ 33 جۇمىسشىسى ەندى»، - دەلىنگەن حابارلامادا.
بەلگىلى بولعانداي، چەمپيونات باستالعالى بەرى مەيرامحانالىق بيزنەس پەن بۋكمەكەرلىك كەڭسەلەر بويىنشا رەيد جۇمىستارى جۇرگىزىلىپ جاتىر.
«قازىرگە دەيىن جۇمىس توپتارى قازاقستان رەسپۋبليكاسىنىڭ اۋماعىندا شەتەلدىك تەلەارنالار ارقىلى «FIFA 2018» ماتچتارىن زاڭسىز كورسەتىلۋدىڭ 22 جاعدايىن انىقتادى. ول تۋرالى تىركەۋ (فيكساتسيا) اكتتەرى تولتىرىلدى. بۇزۋشىلىقتار 16 بۋكمەكەرلىك كەڭسە مەن 4 ءىرى مەيرامحانادان، 3 باردان انىقتالىپ وتىر. بارلىق جينالعان جانە تىركەلگەن ماتەريالدار قازاقستان رەسپۋبليكاسىنىڭ قازىرگى زاڭناماسىنىڭ تالاپتارىنا ساي شارا قابىلداۋ ءۇشىن قۇقىق قورعاۋ ورگاندارىنا تاپسىرىلاتىن بولادى»، - دەپ حابارلادى تەلەراديوكورپوراتسيانىڭ باسپا ءسوز قىزمەتىنەن.
بۇگىنگى كۇنى زاڭسىز ترانسلياتسيا فاكتىلەرىن انىقتاۋ جۇمىستارىنا استانا قالالىق مەملەكەتتىك كىرىستەر دەپارتامەنتى تارتىلعان.
ايتا كەتەرلىگى، ق ر قىلمىستىق كودەكسىنىڭ 198-بابى بويىنشا قۇقىق يەسىنىڭ قۇقىعىنىڭ بۇزىلۋى قىلمىستىق بۇزۋشىلىقتاردىڭ قاتارىنا جاتقىزىلادى. ول قىلمىسقا بارعاندار 3 جىلدان 6 جىلعا دەيىن باس بوستاندىقتارىنان ايىرىلۋى مۇمكىن.