وليمپيادا: قازاقستاندىق سپورتشىلاردىڭ 6- كۇنگى ناتيجەلەرى
وليمپيادا ويىندارىنىڭ كەستەسىنە اۋا رايىنىڭ قولايسىزدىعىنا بايلانىستى وزگەرىستەر ەنگىزىلدى.
ءار ەلدەن كەلگەن تىلشىلەر جارىس تۋرالى ەمەس، كۇن رايىنىڭ كۇرت قۇبىلىپ، الاي-دۇلەي سوققان بوران تۋرالى جازبالارىمەن ءبولىستى. سەبەبى، بۇگىنگە جوسپارلانعان كەيبىر جارىستار كەيىنگە شەگەرىلدى.
سول جارىستاردىڭ قاتارىندا ەل اتىنان سىنعا تۇسەتىن بياتلوننان ايەلدەر اراسىندا گالينا ۆيشنيەۆسكايا، ولگا پولتورانينا، الينا رايكوۆا جانە داريا كليمينانىڭ جارىستارى كەيىنگە شەگەرىلدى. سونداي-اق، تاۋ شاڭعى جارىسىنان ماريا گريگوروۆانىڭ جارىسى دا وزگە كۇنگە اۋىستىرىلدى.
كەشە كونكي سپورتىنان جارىسقا ەكاتەرينا ايدوۆا عانا سىنعا ءتۇستى. وكىنىشكە قاراي، 1000 مەتر قاشىقتىقتا ەل نامىسىن قورعاعان وتانداسىمىز جارىستى 24- ورىنمەن اياقتادى.
ەستەرىڭىزگە سالا كەتەيىك، 9- اقپاندا الاۋى تۇتانعان اق وليميادا ويىندارىنا قازاقستان 57 جولداما جەڭىپ العان بولاتىن. ولار سپورتتىڭ 9 تۇرىنەن ەل نامىسىن قورعاپ جاتىر. ال، جالپى وليمپيادا ويىندارىندا سپورتتىڭ 15 تۇرىنەن 102 مەدال جيىنتىعى ساراپقا سالىنادى. جارىس 25- اقپاندا ءوز مارەسىنە جەتەدى.