اقمولالىق دزيۋدوشىلار حالىقارالىق تۋرنيردە 6 مەدال ولجالادى
اقمولا وبلىسىنىڭ دەنە شىقتىرۋ جانە سپورت باسقارماسى باسپا ءسوز قىزمەتىنىڭ مالىمەتى بويىنشا قازاقستان جانە رەسەيدىڭ ورال، ءسىبىر وڭىرلەرىنەن كەلگەن 400 گە جۋىق سپورتشى قاتىسىپ، باق سىنادى.
تاتاميگە شىققان اقمولالىقتاردىڭ اراسىندا 6 سپورتشى جۇلدەلى ورىندارداردىن كورىندى.
ونىڭ ىشىندە 2002 - 2004-جىلى تۋعاندار اراسىندا سامات تىلەۋبەرگەنوۆ پەن بەكبولات جۇمانيازوۆ جاتتىقتىراتىن 46 سالماقتا قاجىمۇرات تەمىرتاسوۆ چەمپيون اتانسا، ەكىنشى جانە ءۇشىنشى ورىنداردى ايبەك جۇماعۇلوۆ جانە دياس پويىزبايەۆ ءوزارا ءبولىستى.
سونىمەن قاتار، 2005-2007-جىلعى جەتكىنشەكتەر اراسىندا 50 كەلى سالماقتا سەرگەي الەكساندروۆ قارسىلاستارىن ايقىن باسىمدىقپەن جەڭدى. ال، ارلان ايباس (38 كەلى) جانە ارلان قابيدەن (66 كەلى) ءۇشىنشى ورىننان كورىندى. بۇل سپورتشىلاردى ستەپنوگورسك قالاسىنداعى بالالار مەن جاس وسپىرىمدەردىڭ سپورت مەكتەبىندە نيكولاي دۋراچەنكو جاتتىقتىرادى.