يسلام كاريموۆتىڭ قىزى بيلىككە 686 ميلليون دوللار ۇسىنىپ، قاماۋدان شىعارۋدى سۇرادى

None
None
نۇر-سۇلتان. قازاقپارات – وزبەكستاننىڭ ءبىرىنشى پرەزيدەنتى بولعان مارقۇم يسلام كاريموۆتىڭ قاماۋدا وتىرعان قىزى گۇلنارا كاريموۆا مەملەكەتكە وزىنە قوزعالعان قىلمىستىق ءىستى جابۋ ءۇشىن 686 ميلليون دوللار ۇسىندى.

كاريموۆا ءوتىنىش حاتىن ەلدىڭ قازىرگى پرەزيدەنتى شاۆكات ميرزيايەۆكە جولداعان. حاتتىڭ كوشىرمەسىن 25- اقپاندا Instagram جەلىسىنە كاريموۆانىڭ لوندوندا تۇراتىن قىزى يمان كاريموۆا جاريالادى.

گۇلنارا كاريموۆا حاتىندا دەنساۋلىعى ناشارلاپ بارا جاتقانىن، بالالارىن كوپ جىل بويى كورمەگەنىن جازعان. ول «وتباسى مەن دەنساۋلىعىن ساقتاۋ ءۇشىن بارلىق قارجىدان باس تارتۋعا دايىن ەكەنىن، ءىستى جاپسا، 686 ميلليون دوللاردى مەملەكەت پايداسىنا بەرەتىنىن» جازعان.

وزبەكستان جوعارعى سوتى 8- قاڭتاردا كاريموۆاعا قاتىستى جاڭا ءىس قوزعاعان. بۇل ءىس بويىنشا وعان «مەملەكەتكە تيەسىلى ەكى سەمەنت زاۋىتىنىڭ اكسياسىن ساتىپ الدى جانە ونى كەيىن شەتەلدىك بيزنەسمەندەرگە ساتتى» دەگەن ايىپ تاعىلعان.

47 جاستاعى كاريموۆانىڭ اقشا جىمقىرۋ كۇدىگىنە ىلىنگەن سوڭ، شۆەتسيا مەن شۆەيتساريادا وعان قاتىستى تەكسەرۋ جۇرگەن.

2014-جىلى ونى تاشكەنتتە ءۇيقاماققا العان. ول كەزدە كاريموۆانىڭ اكەسى ءتىرى ەدى جانە ەل باسقارىپ وتىرعان. يسلام كاريموۆ 2016-جىلى كوز جۇمىپ، ونىڭ ورنىنا 13 جىل پرەمەر-مينيستر بولعان ميرزيايەۆ كەلگەن.

2017-جىلى كاريموۆانى سوت 10 جىلعا تۇرمەگە قاماعان. بىرنەشە ايدان كەيىن ۇكىم وزگەرىپ، جازا بەس جىلعا قىسقاردى جانە كاريموۆا ءۇيقاماققا شىقتى. بىلتىر ناۋرىزدا ول ءۇيقاماق ءتارتىبىن بۇزدى دەپ قايتا قامالعان.

«ازاتتىق»


سوڭعى جاڭالىقتار