الماتىدا ءبىر تاۋلىكتە 682 ادامنان كوروناۆيرۋس انىقتالدى
بۇل تۋرالى قالالىق قوعامدىق دەنساۋلىق ساقتاۋ باسقارماسى ءمالىم ەتتى، دەپ حابارلايدى قازاقپارات ءتىلشىسى.
بۇگىن تاڭەرتەڭگى اقپارات بويىنشا 682 ادامنىڭ كوروناۆيرۋس جۇقتىرعانى انىقتالدى. مۇنىڭ ىشىندە 575 ءى سيمپتومدى، جەڭىل جانە ورتاشا دەڭگەيدەگى بەلگىلەرمەن، 107 ءى سيمپتومسىز اۋىرعان.
«ينفەكتسيالىق ستاتسيونارلاردا 3756 ادام بار (توسەك- ورىننىڭ جالپى سانى 6060)، ونىڭ ىشىندە 72 بالا ەمدەلۋدە. 925 ەرەسەك ادام اۋىر حالدە جاتىر، 2831 ناۋقاس ورتاشا اۋىر جاعدايدا ەم قابىلداۋدا»، - دەپ ناقتىلادى قوعامدىق دەنساۋلىق باسقارماسىنىڭ باسپا ءسوز قىزمەتى.
سونداي-اق، رەانيماتسيا جانە قارقىندى تەراپيا بولىمىندە 249 ادام جاتىر. ال 24 ناۋقاس جاساندى تىنىس الۋ اپپاراتىنا قوسىلعان، ينۆازيۆتى ەمەس جاساندى تىنىس الۋ اپپاراتىندا 98 ادام ەم قابىلداۋدى جالعاستىرۋدا. مەديتسينا-سانيتاريالىق العاشقى كومەك موبيلدى بريگادالارى مەن تەلەمەديتسينا ورتالىعىنىڭ امبۋلاتوريالىق باقىلاۋىندا 6081 پاتسيەنت بار. ونىڭ ىشىندە 5328 ادامدا اۋرۋ بەلگىلەرى بار، ولار ورتاشا اۋىر جاعدايدا. 753 ادامدا اۋرۋ بەلگىلەرى جوق.