14:24, 02 - اقپان 2023 | GMT +6
تالدىقورعاندا جىلۋ قۇبىرى جارىلىپ، 67 كوپقاباتتى ءۇي جىلۋسىز قالدى
تالدىقورعان. قازاقپارات - تالدىقورعاندا جىلۋ قۇبىرى جارىلىپ 67 كوپقاباتتى ءۇي جىلۋسىز قالدى، دەپ حابارلايدى قازاقپارات ءتىلشىسى.
«جەلتوقسان مەن مەدەۋ كوشەلەرىنىڭ قيىلىسىندا جىلۋ قۇبىرى جارىلىپ، قازىر 28 ادام جوندەۋ جۇمىستارىن جۇرگىزىپ جاتىر. قۇبىردان بۇگىن تاڭعى ساعات 6:00 شاماسىندا اقاۋ شىققان. قازىر 67 كوپقاباتتى ءۇي جىلۋسىز قالدى. ءبىزدىڭ جوسپارىمىز بويىنشا ءتورت ساعاتتىڭ ىشىندە اقاۋ جوندەلىپ، جىلۋ ۇيلەرگە بەرىلەدى»، - دەدى تالدىقورعان قالاسى اكىمى باسپا ءسوز قىزمەتىنىڭ وكىلى ءمادي شاكەنوۆ.
ۆەدومستۆو وكىلىنىڭ مالىمەتىنشە، تالدىقورعان قالاسىنداعى جىلۋ قازاندىقتارىنىڭ بارلىعى شتاتتى رەجيمدە جۇمىس ىستەپ تۇر.
اۆتور
سامال قابىشيەۆا