قازاقستاندا زەينەت جاسى 67 جاسقا كوتەرىلە مە: قارجى ءمينيسترى جاۋاپ بەردى

نۇر- سۇلتان. قازاقپارات - قازاقستاندا زەينەتكە شىعۋ جاسىن 65-67 جاسقا كوتەرۋ جوسپارلانىپ وتىرعان جوق.

بۇل تۋرالى بۇگىن ۇكىمەت وتىرىسىنان كەيىن ق ر پرەمەر-ءمينيسترىنىڭ ءبىرىنشى ورىنباسارى - قارجى ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.

«ول جالعان. نەگە دەسەڭىزدەر، جۋرناليست تەرىس اقپارات بەردى. 65-67 جاستى ايتقاندا ەۋروپا مەملەكەتتەرىنىڭ تاجىريبەسىن مىسالعا كەلتىرگەن ەدىم. بۇل تسيفرلاردى تەك مىسال رەتىندە عانا كەلتىردىم. قازاقستاندا ونداي جوسپار جوق. ءقازىر بۇل ماسەلە تالقىلانبايدى دا»، - دەدى ءاليحان سمايىلوۆ ب ا ق وكىلدەرىنىڭ ساۋالىنا وراي.

ەستەرىڭىزگە سالا كەتسەك، ەلىمىزدىڭ كەيبىر بۇقارالاق اقپارات قۇرالى ق ر پرەمەر-ءمينيسترىنىڭ ءبىرىنشى ورىنباسارى - قارجى ءمينيسترى ءاليحان سمايىلوۆقا سىلتەمە جاساي وتىرىپ، ەلىمىزدە زەينەتكە شىعۋ جاسىن 65-67 جاسقا كوتەرۋ ماسەلەسى تالقىلاناتىندىعىن حابارلاعان ەدى.

اۆتور: مارلان جيەمباي