13:17, 16 - قىركۇيەك 2019 | GMT +6
شامالعانداعى اپات: اۆتوبۋستا 67 ادام بولعان
الماتى وبلىسى. قازاقپارات - شامالعان وتكەلىندە پويىزعا سوعىلعان اۆتوبۋستا 67 ادام بولعان. بۇل تۋرالى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ حابارلايدى.
«اۆتوبۋستا جالپى سانى 67 ادام بولعان. سوقتىعىسۋ وقيعاسى بويىنشا قىلمىستىق ءىس قوزعالدى»، - دەلىنگەن حابارلامادا.
ەستەرىڭىزگە سالا كەتەيىك، 15- قىركۇيەك كۇنى شامالعان ستانتسياسىندا پويىز بەن اۆتوبۋس سوقتىعىستى. الدىن-الا بولجام بويىنشا، جولاۋشىلار اۆتوبۋسى تەمىر جولدىڭ رەلسىنە شىعىپ كەتكەن. وقيعا ورنىندا اۆتوبۋس جۇرگىزۋشىسى مەرت بولىپ، تاعى 3 ادام قاراساي اۋداندىق اۋرۋحاناسىنىڭ جانساقتاۋ بولىمىندە جاتىر. ونىڭ ەكەۋى بالا. قازىر اتالعان فاكتى بويىنشا ق ر ق ك 345-بابىنىڭ 3-تارماعى بويىنشا ءىس قوزعالىپ، تەرگەۋ ءجۇرىپ جاتىر.
ءىستىڭ تەرگەلۋىن باس كولىكتىك پروكۋراتۋرا ءوز باقىلاۋىنا الدى. ق ر پرەزيدەنتى قاسىم-جومارت توقايەۆ پوەزد بەن اۆتوبۋس سوقتىعىسىنان جاپا شەككەندەردىڭ تۋعان-تۋىستارىنا كوڭىل ايتتى.