672 ميلليون تەڭگە ايىپپۇل كىمگە سالىندى
بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگى ستراتەگيا جانە جەدەل باسقارۋ دەپارتامەنتىنىڭ باسشىسى نۇرلان جاقسىمبەتوۆ ايتتى، دەپ حابارلايدى قازاقپارات ءتىلشىسى.
ونىڭ اتاپ وتۋىنشە، سىبايلاس جەمقورلىققا قارسى ءىس-قيمىلدىڭ مونەتارلىق تيىمدىلىگىنىڭ تاعى ءبىر ءتۇرى - پارا العانى جانە بەرگەنى ءۇشىن ەسەلەنگەن ايىپپۇل ينستيتۋتى. ايىپپۇل مولشەرى پارا كولەمىنىڭ 10 ەسەسىنەن باستاپ 80 ەسەسىنە دەيىنگى ارالىقتا بولادى. 2018-2019 -جىلدارى جانە 2020 -جىلدىڭ ءبىرىنشى جارتىجىلدىعىندا 1096 پارا الۋشى سوت ۇكىمىمەن جالپى سوماسى 8,6 ميلليارد تەڭگە ايىپپۇلعا سوتتالدى.
«ايىپپۇلدىڭ ورتاشا مولشەرى 8 ميلليون تەڭگەنى قۇرادى. ۇلتتىق ەكونوميكا ەكس-ءمينيسترىنىڭ ىسىمەن پارا بەرۋ فاكتىلەرى بويىنشا ەسمۇقانوۆ پەن سماعۇلوۆ وسى كەزەڭدەگى ەڭ جوعارى ايىپپۇل 672 ميلليون تەڭگەگە سوتتالدى. سوت 2020 -جىلى ەڭ ءىرى ايىپپۇل - 411 ميلليون تەڭگەنى مادەنيەت جانە سپورت مينيسترلىگىنىڭ بۇرىنعى جاۋاپتى حاتشىسى ۋاليەۆكە سالدى»، - دەدى نۇرلان جاقسىمبەتوۆ.
اۆتور: مارلان جيەمباي