16:51, 24 - ماۋسىم 2018 | GMT +6
جاپونيادا جەر سىلكىنىسى سالدارىنان 6700 عيمارات زاقىمداندى
توكيو. قازاقپارات - جاپونيانىڭ وساكا پرەفەكتۋراسىندا 18 -ماۋسىمدا بولعان جەر سىلكىنىسى سالدارىنان 6,7 مىڭ تۇرعىن ءۇي مەن شارۋاشىلىق قۇرىلىمدارى زاقىمدانعان، دەپ حابارلايدى قازاقپارات NHK- عا سىلتەمە جاساپ.
تابيعي اپاتتىڭ زاردابىن جويۋ شتابىنىڭ دەرەگى بويىنشا، مۇنداي بۇلىنۋلەر 16 قالا مەن كەنتتە تىركەلگەن. نەگىزىنەن 1980 -جىلداردىڭ باسىندا قازىرگى جاپوندىق انتيسەيسميكالىق نورمالارعا ساي كەلمەيتىن قۇرىلىمدار زاقىمدانعان.
سونداي-اق، اپات بولعان ايماقتا وسى ۋاقىتقا دەيىن 8,5 مىڭ پاتەر مەن جەكە ۇيلەردە گاز ءوشىرۋلى تۇر. جەر سىلكىنىسىنەن كەيىن ولاردىڭ سانى 110 مىڭ بولدى. تولىقتاي گازبەن جابدىقتاۋ 25 -ماۋسىمدا قالپىنا كەلتىرىلەدى دەپ جوسپارلانۋدا. جەراستى ءدۇمپۋى سالدارىنان وساكا پرەفەكتۋراسىنىڭ سولتۇستىگىندە بەس ادام قازا تاۋىپ، 350 تۇرعىن ءتۇرلى جاراقات العان.