ۇكىمەت رەزەرۆىنەن كوروناۆيرۋسپەن كۇرەسكە 66 ميلليارد تەڭگە بولىنگەن
بۇل تۋرالى ق ر قارجى ءمينيسترىنىڭ ءبىرىنشى ورىنباسارى بەرىك شولپانقۇلوۆ ايتتى، دەپ حابارلايدى قازاقپارات ءتىلشىسى.
«ەپيدەمياعا قارسى ءىس- شارالاردى جۇرگىزۋگە 125 ميلليارد تەڭگە كوزدەلگەن. بۇل قاراجات مەديتسينا جانە باسقا قىزمەتكەرلەرگە قوسىمشا اقى تولەۋگە، 3 ينفەكتسيالىق اۋرۋحانا قۇرىلىسىنا جانە باسقا شارالارعا جۇمسالدى»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
ونىڭ اتاپ وتۋىنشە، 575 ميلليارد تەڭگە قوسىمشا شىعىستار ازاماتتار مەن ەكونوميكانى قولداۋعا جانە مەملەكەت باسشىسىنىڭ تاپسىرمالارىن ىسكە اسىرۋعا، نۇر- سۇلتان قالاسىنداعى ۇلەستىك قۇرىلىستىڭ پروبلەمالىق نىساندارىن اياقتاۋعا جانە باسقا دا باسىم مىندەتتەرگە باعىتتالعان.
«سونداي- اق، كوروناۆيرۋس ىندەتىمەن كۇرەسكە ۇكىمەت رەزەرۆىنەن 66 ميلليارد 957 ميلليون تەڭگە، ونىڭ ىشىندە دەنساۋلىق ساقتاۋ مينيسترلىگىنە 46 ميلليارد 587 ميلليون تەڭگە ءبولىندى»، - دەدى بەرىك شولپانقۇلوۆ.