قىتايدا كوروناۆيرۋس جۇقتىرعاندار سانى 66,4 مىڭدى قۇرادى

بەيجىڭ. قازاقپارات - شينحۋا – ق ح ر دەنساۋلىق ساقتاۋ ىستەرى بويىنشا كوميتەتى سەنبى كۇنى ەلدىڭ 31 اكىمشىلىك پروۆينسيالىق ايماعىنان جانە شىڭجاڭ وندىرىستىك-قۇرىلىس كورپۋسىنان كوروناۆيرۋس جۇقتىرۋدىڭ جاڭادان 2641 جاعدايى تىركەلگەنى جانە تاعى 143 ادامنىڭ كوز جۇمعانى تۋرالى مالىمەت العان، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

14-اقپان كۇنىنىڭ سوڭىنداعى مالىمەتتەر بويىنشا، 31 اكىمشىلىك پروۆينتسيالىق ايماق پەن شىڭجاڭ وندىرىستىك- قۇرىلىس كورپۋسىندا كوروناۆيرۋستىڭ جاڭا تۇرىنە شالدىعۋدىڭ راستالعان جاعدايلارى بارلىعى 66492 ادامدى قۇرادى. ىندەتتەن وسى كۇنگە دەيىن 1523 ادام قازا تاپتى.

«11053 ناۋقاستىڭ جاعدايى اۋىر، ۆيرۋستى جۇقتىردى دەگەن كۇدىكپەن 8969 ادام تەكسەرىلىپ جاتىر. جۇمانىڭ سوڭىنداعى مالىمەت بويىنشا، 8096 ادام اۋرۋىنان ايىعىپ، اۋرۋحانادان شىعارىلدى. ناۋقاستارمەن بايلانىستا بولعان 513183 ادام دارىگەرلەردىڭ قاتاڭ باقىلاۋىندا بولىپ، 30081 ىنەن مەديتسينالىق باقىلاۋ الىندى»، - دەلىنگەن مالىمەتتە.

فوتو: EPA- EFE/YUAN ZHENG