جاسى 65 تەن اسقان قازاقستاندىقتارعا كوروناۆيرۋسقا قارسى ۆاكسينا سالدىرۋعا رۇقسات بەرىلدى

None
None
نۇر- سۇلتان. قازاقپارات - قازاقستاندا جاسى 65-تەن اسقان قازاقستاندىقتارعا كوروناۆيرۋسقا قارسى ۆاكسينا سالدىرۋعا رۇقسات بەرىلدى، دەپ حابارلايدى قازاقپارات ءتىلشىسى.

«تاياۋدا قاۋلى جاريالعانىمدى بىلەسىزدەر. سول قۇجاتتا جاس شەگى جاعىنان شەكتەۋدى الىپ تاستادىق. الايدا ۆاكسينانى ەگدە ادامدارعا سالماس بۇرىن ولاردى ءجىتى تەكسەرۋ كەرەك. ۆاكسينا سالىناتىن ادامنىڭ ءدال سول كەزدە اۋرۋى بولماۋعا ءتيىس»، - دەدى دەنساۋلىق ساقتاۋ ۆيتسە- ءمينيسترى - باس مەملەكەتتىك سانيتارلىق دارىگەر ەرلان قياسوۆ.

ەسكە سالا كەتسەك، بۇگىن ەرلان قياسوۆ جانە اتالمىش ۆەدومستۆونىڭ تاعى ءبىر ۆيتسە- ءمينيسترى اجار عينيات سپۋتنيك V ۆاكسيناسىنىڭ ەكىنشى دوزاسىن سالدىرعان بولاتىن. ەكپە دەنساۋلىق ساقتاۋ سالاسىنىڭ جاۋاپتى باسشىلارىنا №6 قالالىق ەمحانادا جۇرگىزىلدى. پاتسيەنتتەر ۆاكسينانىڭ العاشقى دوزاسىنان كەيىن ەش شاعىمى جوقتىعىن ايتتى.

ەرلان قياسوۆ پەن اجار عينيات كوروناۆيرۋسقا قارسى ۆاكسينانىڭ العاشقى دوزاسىن 1 -اقپاندا سالدىرعان بولاتىن. ۆيتسە- مينيسترلەرگە رەسەيلىك سپۋتنيك V ۆاكسيناسى ەگىلدى. ەگۋدەن بۇرىن ولار تەكسەرۋدەن ءوتىپ، ۆاكسينا سالدىرۋعا قارسى كورسەتىلىمى جوق ەكەنى انىقتالعان. بۇل جولى دا پرەپاراتتى الدىمەن ەرلان قياسوۆ، ودان كەيىن اجار عينيات الدى.

اۆتور: ايان بەكەن ۇلى


سوڭعى جاڭالىقتار