قازاقستاندا 65 جاستان اسقان ازاماتتاردىڭ كوشەدە جۇرۋىنە شەكتەۋ ەنگىزىلدى
بۇل تۋرالى ق ر باس مەملەكەتتىك سانيتارلىق دارىگەرى ايجان ەسماعامبەتوۆانىڭ قاۋلىسىندا ايتىلعان، دەپ حابارلايدى قازاقپارات.
«65 جاستان ۇلكەن ازاماتتارعا ازىق- تۇلىك پەن ءدارى- دارمەكتى جەتكىزۋدى قامتاماسىز ەتە وتىرىپ، ولاردىڭ قوزعالىسىن شەكتەۋ قامتاماسىز ەتىلسىن» ، - دەلىنگەن باس سانيتاردىڭ 2020 -جىلعى 26 - ناۋرىزداعى №27 قاۋلىسىندا. ودان بولەك، قاۋلىدا: -6 - ساۋىردەن باستاپ بارلىق ورتا ءبىلىم بەرۋ ۇيىمدارىن قاشىقتىقتان وقىتۋعا اۋىستىرۋ؛
- اۋەجايلاردىڭ، تەمىرجول جانە اۆتوۆوكزالداردىڭ عيماراتىنا شىعارىپ سالۋشى جانە كۇتىپ الۋشى ادامداردىڭ كىرۋىن شەكتەۋ؛
- ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە قازاقستان رەسپۋبليكاسىندا اككرەديتتەلگەن حالىقارالىق ۇيىمدار وكىلدىكتەرىنىڭ قىزمەتكەرلەرى جانە ولاردىڭ وتباسى مۇشەلەرى COVID-19-عا زەرتحانالىق تەكسەرۋگە جانە 14 تاۋلىك بويى ۇيدە وقشاۋلاۋ قاجەتتىگى تۋرالى ايتىلعان.