قازاقستاندىق ازاماتتىڭ پاريجدەن 65 ميلليون ەۋروعا ءۇيدى قالاي العانى انىقتالدى
ەسكە سالا كەتسەك، بۇعان دەيىن قارجى مينيسترلىگى 65 ميلليون ەۋروعا پاريجدە اۋماعى 1200 شارشى مەتر پاتەردى ساتىپ العان قازاقستاندىققا ىزدەۋ سالعان بولاتىن.
ونىڭ ايتۋىنشا، قىمبات پاتەر يەسى مەملەكەتتىك قىزمەتپەن اينالىسپايدى.
«ءبىز فرانسياداعى ارىپتەستەرىمىزگە ساۋال جولدادىق. جاۋاپ كەلدى، ءبىراق سالىق تولەۋشى ءوزى تۋرالى اقپاراتتى جاريالاۋعا رۇقسات بەرمەدى. سوندىقتان، ول تۋرالى تولىق اقپارات بەرە المايمىز. ول ءوز تابىسىن كورسەتتى، سالىقتارى تولەنگەن جانە ءوز اقشاسىنا جىلجىمايتىن مۇلىك ساتىپ العان. جانە تاعى ءبىر اتاپ وتەرلىك جايت، پاتەر يەسى - ۇكىمەت قىزمەتكەرى ەمەس»، - دەپ جاۋاپ بەردى ءمادي تاكيەۆ ۇكىمەت ۇيىندە وتكەن باسپا ءسوز ءماسليحاتىندا جۋرناليستەر سۇراعىنا.
سونداي-اق، كوميتەت وكىلى اتىشۋلى پاتەردىڭ كومپانيا اتىنا تىركەلگەنىن اتاپ ءوتتى.
«ءبىز كومپانيانىڭ كىرىس كوزدەرىن تەكسەردىك. پاتەر ادامنىڭ ەمەس، كومپانيانىڭ اتىنا تىركەلگەن. سايكەسىنشە، كومپانيا كىرىستەرى مۇنداي پاتەردى ساتىپ الۋعا مۇمكىندىك بەرەدى جانە بارلىق سالىقتارى تولەنگەن»، - دەدى ءمادي تاكيەۆ.
اۆتور: ايجان سەرىكجان قىزى