شىعىس قازاقستاندا قار قۇرساۋىندا قالعان 64 ادام قۇتقارىلدى
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، الدىن الا جاسالعان داۋىلدى ەسكەرتۋگە قاراماستان ءوڭىر تۇرعىندارى الىس جولعا شىعۋدا.
تارباعاتاي، كوكپەكتى جانە التاي اۋداندارىنداعى جول ۋچاسكەلەرىندە 30 دان استام اۆتوكولىك قارعا باتىپ قالعان. قۇتقارۋشىلار شۇعىل كومەككە اتتانىپ، 64 ادامدى ەۆاكۋاتسيالادى.
«ەڭ قيىن جاعداي التاي اۋدانىندا بولعان. قار قۇرساۋىندا قالعان كولىكتەردەن 52 ادام، ونىڭ ىشىندە 6 بالا قۇتقارىلدى. ەشكىم مەديتسينالىق كومەككە مۇقتاج بولعان جوق»، - دەپ حابارلادى ۆەدومستۆو وكىلدەرى.
كوكپەكتى اۋدانىنداعى بايبۋرا ۋچاسكەسىندە قۇتقارۋشىلار 3 اۆتوكولىكتى قاردان شىعاردى. كولىكتەردە 9 ادام بولعان.
«وسى رەتتە ءوڭىر تۇرعىندارىنا داۋىلدى ەسكەرتۋ جاسالعان كەزدە الىس ساپارعا شىقپاۋ قاجەتتىگىن ەسكەرتەمىز. جولداردىڭ جاي-كۇيىن «دارمەن» ءموبيلدى قوسىمشاسى ارقىلى تەكسەرىپ وتىرعان ابزال. ەگەر جولدا قيىن جاعدايعا تاپ بولساڭىز، دەرەۋ «112» نومىرىنە حابارلاسۋ قاجەت» دەلىنگەن مالىمەتتە.
