+7 (701) 759 90 19
21 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ورتاشا كورسەتكىش - 64 بالل: قازاقستاندا ۇ ب ت اياقتالدى

2 شىلدە 20:17
:ءبولىسۋ
ورتاشا كورسەتكىش - 64 بالل: قازاقستاندا ۇ ب ت اياقتالدى

نۇر-سۇلتان. قازاقپارات - ق ر ءبىلىم جانە عىلىم مينيسترلىگى 2020 -جىلعى كەزەكتى ۇلتتىق ءبىرىڭعاي تەستىلەۋ قورىتىندىسىن جاريالادى، دەپ حابارلايدى قازاقپارات.

كەزەكتى ۇ ب ت ەلىمىز بويىنشا 21-ماۋسىم مەن 1-شىلدە ارالىعىندا وتكىزىلدى. وعان رەكوردتىق كولەمدە - 131754 ءوتىنىش تىركەلسە، ونىڭ 111113 ى، ياعني 82 پايىزى - بيىلعى مەكتەپ تۇلەكتەرى. وتكەن جىلى بۇل كورسەتكىش %12 تومەن بولعانىن اتاپ وتكەن ءجون.

2020 -جىلى ۇلتتىق ءبىرىڭعاي تەستىلەۋ 161 پۋنكتتە جۇرگىزىلدى. تەستىلەۋدىڭ ءادىل ءوتۋ بارىسىن قاداعالاۋ ماقساتىندا قالالار مەن وڭىرلەرگە ءبىلىم جانە عىلىم مينيسترلىگى تاراپىنان 1983 وكىل جىبەرىلدى.

سونىمەن بىرگە، ۇ ب ت بارىسىن سىبايلاس جەمقورلىققا قارسى اگەنتتىك، ۇكىمەتتىك ەمەس ۇيىم، ب ا ق، «ادالدىق الاڭى» جوبالىق كەڭسەلەرىنىڭ وكىلدەرى مەن قوعام بەلسەندىلەرى بار ارنايى مونيتورينگتىك توپ (510 ادام) باقىلادى. ۇ ب ت قورىتىندىسى بويىنشا، تەستىلەۋگە تىركەلگەن ازاماتتاردىڭ %92,1 تەستىلەۋگە قاتىستى، 2019 -جىلى بۇل كورسەتكىش %94 قۇراعان بولاتىن. شەكتى بالدى 82154 تالاپكەر جينادى، بۇل وتكەن جىلعى كورسەتكىشتەرمەن سالىستىرعاندا ءبىر دەڭگەيدە قالىپ وتىر.

جالپى رەسپۋبليكا بويىنشا ورتاشا كورسەتكىش 64,06 بالدى قۇرادى، مۇندا 2019 -جىلعى ورتاشا كورسەتكىشپەن سالىستىرعاندا ايتارلىقتاي ايىرماشىلىق جوق (65,5 بالل). بيىلعى تەستىلەۋدە العاش رەت ەلەكتروندىق ۇكىمەت بازاسى ارقىلى Face ID جۇيەسى پايدالانىلدى، وسىعان بايلانىستى ۇ ب ت تاپسىرۋعا باسقا ادامنىڭ كىرۋگە ارەكەتتەنۋى ايتارلىقتاي تومەندەدى.

ماسەلەن، بيىل 7 مەكتەپ تۇلەگى ءوز ورنىنا ۇ ب ت- عا باسقا ادامدى جىبەرمەك بولعان، وتكەن جىلى ءدال وسىنداي 34 جاعداي ورىن العان ەدى. 119 تالاپكەر دەنساۋلىعىنا بايلانىستى ۇ ب ت تاپسىرمادى. ولار ءۇشىن باسقا كۇندەرى، ياعني 19-شىلدەگە دەيىن تەستىلەۋ ۇيىمداستىرىلاتىن بولادى. سونىمەن بىرگە، بيىل العاش رەت تالاپكەرلەرگە كالكۋلياتورلار پايدالانۋعا رۇقسات ەتىلدى.

تەستىلەۋ ۋاقىتى ۇزارتىلىپ، تۇلەكتەر قورىتىندى مەكتەپ ەمتيحاندارىنان بوساتىلدى. ۇ ب ت جۇرگىزىلگەن ءار اۋديتوريا ارنايى بەينەباقىلاۋ كامەرالارىمەن جابدىقتالعان بولاتىن، ناتيجەسىندە 9,5 ميلليوننان استام ادام ۇ ب ت بارىسىن ونلاين رەجيمدە باقىلادى. ەندى ەرەجەگە سايكەس 2020 -جىلعى 25-تامىزعا دەيىن بەينەجازبالار ءجىتى تەكسەرىلەدى.

ەگەر بەينەجازبادا گرانت يەلەنگەن تالاپكەردىڭ تىيىم سالىنعان زاتتاردى پايدالانعانى انىقتالسا، تەستىلەنۋشىنىڭ ۇ ب ت ناتيجەسى جويىلادى جانە گرانتى قايتارىلادى. ەلىمىزدىڭ بارلىق ۇ ب ت وتكىزۋ بەكەتتەرىندە ساقتىق شارالارى قولعا الىنىپ، مەديتسينالىق- سانيتارلىق نورمالار قاتاڭ ساقتالدى. ءاربىر ۇ ب ت- عا قاتىسۋشى دەزينفەكسيالاۋدىڭ 5 كەزەڭىنەن ءوتتى: دەزينفەكسيالىق وتكەلدەردەن ءوتىپ، ارنايى كىلەمشەدە اياق كيىمدەرىن زارارسىزداندىردى، دەنە قىزۋىن ولشەتىپ، قولدارىن زارارسىزداندىرۋ سۇيىقتىعىمەن وڭدەدى جانە بىرنەشە مەديتسينالىق ماسكا الدى. تەستىلەۋگە كىرگىزۋ جانە وتىرعىزۋ كەزىندە تالاپكەرلەر اراسىندا ەكى مەتر اراقاشىقتىق ساقتالدى.

ءاربىر اۋديتوريا باكتەريتسيدتىك قۇرالدارمەن جانە اۋا رەتسيركۋلياتورلارىمەن جەلدەتىلدى جانە تازارتىلدى. اۋديتوريالار %35 دەيىن تولتىرىلدى، ءارقايسىسىندا تەك 10-18 ادام وتىردى. وتكەن جىلى ءبىر اۋديتوريادا ورتا ەسەپپەن 50 تالاپكەر بولعان ەدى. جالپى، ماۋسىم ايىنداعى ۇلتتىق ءبىرىڭعاي تەستىلەۋ قالىپتى رەجيمدە ءوتتى.

ەسكە سالا كەتەيىك، كەلەسى ۇ ب ت تامىز ايىندا وتەدى، وندا تالاپكەر شەكتىك بالل جيناسا، ج و و-نىڭ اقىلى بولىمىنە وقۋعا تۇسە الادى. سونىمەن بىرگە، ج و و اقىلى بولىمىنە ءتۇسۋ ءۇشىن قاڭتار ايىنداعى ۇ ب ت سەرتيفيكاتتارى دا جارامدى بولىپ قالا بەرەدى.

اۆتور: ايجان سەرىكجان قىزى



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات