توتەنشە جاعداي رەجيمىن بۇزعان 64 ادام قاماۋعا الىندى
تەك وتكەن دەمالىس كۇندەرى عانا 63 ادامعا اكىمشىلىك جازا قولدانىلدى، دەپ حابارلايدى قازاقپارات ءتىلشىسى.
بۇل جايىندا وبلىس اكىمىنىڭ ورىنباسارى رۋسلان الىشيەۆ ايتتى. ونىڭ ايتۋىنشا، توتەنشە جاعداي جاريالانعاننان بەرى وڭىردە ءتارتىپتى بۇزۋدىڭ 345 دەرەگى تىركەلگەن. 281 جاعدايدا تۇرعىندار پاتەرلەرىنەن ەش قاجەتتىلىكسىز شىققان، سونىڭ ىشىندە 19 ى جاس وسپىرىمدەردىڭ ۇلكەندەردىڭ قاراۋىنسىز جۇرۋىنە، 6 ۋى كارانتيندىك رەجيمدى بۇزۋعا قاتىستى. ال وتكەن سەنبى-جەكسەنبى كۇندەرى ءتارتىپ ساقشىلارى 63 ادامعا «توتەنشە جاعداي رەجيمىن بۇزۋ» بابى بويىنشا، ياعني كوشەدە بەيساۋات جۇرگەندەرى ءۇشىن اكىمشىلىك حاتتاما تولتىردى.
«تۇرعىندار اۋلالارعا بالالارىن ويناۋعا جىبەرىپ نەمەسە وزدەرى ەرتىپ شىعىپ كارانتيندىك رەجيمدى بۇزىپ جاتىر. ءتارتىپتى بۇزعاندارى ءۇشىن جازاعا تارتىلادى. پوليتسەيلەر ەسكەرتىپ قانا قويماي، قاتاڭ شارا قولدانادى. وسى كۇنگە دەيىن سوتتار 224 ماتەريالدى قارادى. 64 ادامعا اكىمشىلىك قاماۋعا الۋ جازاسى كەسىلىپ، 155 ادام 10 ا ە ك مولشەرىندە ايىپپۇل تولەدى»، - دەيدى رۋسلان الىشيەۆ.
وبلىس اكىمىنڭ ورىنباسارى الەۋمەتتىك جەلىلەردە جالعان اقپارات تاراتقاندارعا دا جازا بارلىعىن ەسكەرتتى.
«الەۋمەتتىك جەلىلەرگە مونيتورينگ جۇرگىزۋ بارىسىندا شىندىققا جاناسپايتىن اقپارات تاراتۋدىڭ ەكى دەرەگى انىقتالدى. نەگىزىنەن وبلىس اۋماعىندا قاۋىپتى ىندەت تارالۋىنىڭ جالعان فاكتىلەرى تۋرالى جازىلعان. ەكەۋى بويىنشا دا قىلمىستىق ءىس قوزعالدى. قۇقىق بۇزۋشىلاردىڭ ەندى 3 جىلدان 7 جىلعا دەيىن بوستاندىعى شەكتەلۋى نەمەسە وسى ۋاقىت ارالىعىنا باس بوستاندىعىنان ايىرىلۋى مۇمكىن»، - دەيدى وبلىس اكىمىنىڭ ورىنباسارى.
بۇعان دەيىن س ق و- نىڭ باس سانيتارلىق دارىگەردىڭ قاۋلىسىمەن 21- ساۋىردەن باستاپ كارانتين رەجيمىنىڭ كۇشەيتىلەتىندىگىن ايتقان ەدىك.