كوروناۆيرۋس: الماتىدا 64 جاستاعى ناۋقاس جاساندى تىنىس الۋ اپپاراتىنا قوسىلدى
بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ ونلاين بريفينگتە ايتتى، دەپ حابارلايدى قازاقپارات ءتىلشىسى.
«ءبىر ناۋقاستىڭ جاعدايى اۋىر، ەنتىگۋىنە بايلانىستى وكپەنى جاساندى جەلدەتۋ اپپاراتىندا جاتىر. 64 جاستاعى بۇل پاتسيەنتتىڭ جاي- كۇيى وكپەنىڭ سوزىلمالى وبسترۋكتيۆتى برونحيت اۋرۋىنىڭ بولۋىنا بايلانىستى ناشارلاپ وتىر جاساندى جەلدەتۋ اپپاراتىنا قوسىلعالى بەرى جاعدايى ءبىرقالىپتى. كوروناۆيرۋس ينفەكسياسى وكپەنىڭ سوزىلمالى اۋرۋى بار پاتسيەنتتەردىڭ جاعدايىن ۋشىقتىراتىنىن بىلەمىز»، - دەدى ت. ابىلدايەۆ.
باسقارما باسشىسىنىڭ ايتۋىنشا، الماتىدا وكپەنى جاساندى جەلدەتۋ اپپاراتى جەتكىلىكتى. «ءبىزدىڭ مەكەمەلەر مۇنداي اپپاراتپەن تولىق قامتىلعان. ءتىپتى قاجەت بولعان جاعدايدا باسقا ستاتسيونارلاردان اپپارات الدىرۋعا مۇمكىندىك بار»، - دەدى ول.
اۆتور: گۇلميرا عوسمانالي