ەڭ قاۋىپسىز ەلدەر ءتىزىمى جاريالاندى: قازاقستان 64 - ورىندا

 نۇر-سۇلتان.قازاقپارت - Global Peace Index الەمدەگى ەڭ قاۋىپسىز جانە ەڭ قاۋىپتى ەلدەر ءتىزىمىن جاريالادى.

تىزىمدە ەڭ قاۋىپسىز ەل -  يسلانديا دەپ تانىلعان. ال ەڭ قاۋىپتى ەل دەپ -  اۋعانستان. وسىعان دەيىن ەڭ قاۋىپتى ەل سيريا بولاتىن. ال، سيريا بيىل ءبىر ورىنعا كوتەرىلىپ 162-ورىننان كورىنگەن. ەڭ قاۋىپسىز ەلدەر وندىعىنا يسلانديادان بولەك، جاڭا زەلانديا، پورتۋگاليا، اۋستريا، دانيا، كانادا، سينگاپۋر، سلوۆەنيا، جاپونيا جانە چەحيا ەنگەن.

ال ەڭ قاۋىپتى ەلدەر وندىعىنا اۋعانستاننان بولەك، رەسەي، كونگو دەموكراتيالىق رەسپۋبليكاسى، سومالي، يراك، يەمەن، وڭتۇستىك سۋدان جانە سيريا ەنگەن. قازاقستان قاۋىپسىز ەلدەر تىزىمىندە 64 - ورىندا تۇر. ورتا ازيا ەلدەرىنىڭ ىشىندە تۇركمەنستان 115- ورىندا، تاجىكستان 105- ورىندا، وزبەكستان  102- ورىندا جانە قىرعىستان 95 - ورىندا. ايتا كەتەيىك، Global Peace Index -  2007 -جىلدان بەرى ەكونوميكا جانە بەيبىتشىلىك ينستيتۋتىنىڭ (ى ە ر) الەۋمەتتانۋشىلارى مەن ەكونوميستەرى جاسايتىن رەيتينگ.

Massaget.kz