وتەماقى: 64 مىڭ ادامنىڭ دەپوزيتى 10 ميلليون تەڭگەدەن جوعارى بولعان

None
استانا. قازاقپارات - قازاقستاننىڭ دەپوزيتتەرگە كەپىلدىك بەرۋ قورى تەڭگە دەپوزيتتەرىنە 10 پايىز وتەماقى العان قازاقستاندىقتاردىڭ ىشىندە دەپوزيتتەگى اقشاسى 10 ميلليون تەڭگەدەن اساتىن قانشا ادام بولعانى تۋرالى مالىمەت ۇسىندى، دەپ حابارلايدى قازاقپارات ءتىلشىسى.

بۇعان دەيىن ۇلتتىق بانك ءتوراعاسى عالىمجان ءپىرماتوۆ تەڭگەمەن دەپوزيت ۇستاپ وتىرعان 2 ميلليون 623 مىڭ سالىمشىدان جالپى سوماسى 307 ميلليارد تەڭگە بولاتىن ءوتىنىم جينالعانىن ايتقان بولاتىن. قازاقستاننىڭ دەپوزيتتەرگە كەپىلدىك بەرۋ قورى ۇسىنعان مالىمەت بويىنشا، 2615772 سالىمشىنىڭ ءوتىنىشى قاناعاتتاندىرىلىپ، ولارعا تولەنەتىن وتەماقىنىڭ جيىنتىق سوماسى 306651873753,58 تەڭگە بولعان.

«وتەماقىنىڭ 50 پايىزى قارجى مينيسترلىگىنىڭ، 50 پايىزى ۇلىتتىك بانك ەسەبىنەن بانكەردىن شوتىنا اۋدارىلدى. بانكتەر ەسەبىنەن وتەماقى تولەنگەن جوق. وتەماقى تولەنگەن دەپوزيتتەردىڭ سوماسى 10 ميلليون تەنگەدەن جوعارى سالىمشىلاردىڭ سانى 64276 بولدى. بۇل ءوز كەزەگىندە ءوتىنىشى ماقۇلدانعان سالىمشىلاردىڭ جالپى سانىنىڭ 2,5 پايىزىنا تەڭ»، - دەپ جازىلعان قوردىڭ باسپا ءسوز قىزمەتى ۇسىنعان مالىمەتتە.

سوڭعى جاڭالىقتار