قوستانايدا قارجى پيراميداسىن قۇرعان 63 جاستاعى ايەل سوتتالدى

قوستاناي. قازاقپارات - قوستاناي قالالىق 2№ سوتىنىڭ وكىمىمەن قارجى (ينۆەستيتسيالىق) پيراميداسىن ۇيىمداستىرىپ، وكىلەتتىگىن اسىرا پايدالانعانى ءۇشىن قوستاناي وبلىسىنىڭ تۇرعىنى سوتتالدى، دەپ حابارلايدى قازاقپارات ءتىلشىسى.

قوستاناي وبلىستىق سوتىنىڭ باسپا ءسوز قىزمەتىنەن ءمالىم ەتكەندەي، 2017-2019-جىلدار ارالىعىندا ازامات ك. «نوۆىي دوم 2017» تۇتىنۋ كووپەراتيۆىنىڭ باسشىسى بولا وتىرىپ، جەكە-دارا باسشىلىق ەتۋ جانە ت ك قاراجاتىن ماقساتتى جۇمساۋدى باقىلاۋ بويىنشا وزىنە بارلىق وكىلەتتىكتەردى بەرگەن. «ءارى قاراي ك. «ارزان تۇرعىن ءۇي» الۋ باعدارلامالارى مەن ولاردىڭ ءتيىمدى تۇستارى جايلى جارنامانىڭ ارقاسىندا قارجى پيراميداسىن قۇرادى. ول مۇلىكتىك پايدا الۋ ماقساتىندا «تۇتىنۋ كووپەراتيۆى تۋرالى» ق ر زاڭىنىڭ تالاپتارىنا باعىنباي، ت ك- گە ۇلەسكەرلەردى ءوز بەتىمەن تاڭداپ وتىرعان. ت ك- ءنىڭ جارعىلىق كاپيتالى اشىلعان كەزدە 0 تەڭگە بولعان. ال ونىڭ قارجىلىق بولىگى تەك زارداپ شەككەندەردىڭ قاراجاتىنان جينالعان»، - دەپ حابارلادى وبلىستىق سوتتان.

63 جاستاعى الاياق 296 اداممەن ۇلەسكەرلىك تۋرالى جازباشا كەلىسىمشارت جاساسىپ، ولاردان 264 ميلليوننان اسا تەڭگە العان. الاياق ايەلدىڭ قۇرباندارى ءار وڭىردەن بولعان. كۇدىكتىنىڭ كىناسىن زارداپ شەككەندەر مەن كۋاگەرلەردىڭ سوزدەرى، قىلمىستىق ءىستىڭ زەرتتەۋ ماتەريالدارى راستادى.

«ايىپتالۋشى قارجى پيراميداسىن ۇيىمداستىرۋ، وكىلەتتىگىن اسىرا پايدالانۋ بويىنشا كىنالى دەپ تانىلىپ، وعان 6 جىل باس بوستاندىعىنان ايىرۋ جازاسى تاعايىندالدى. ول، سونىمەن قاتار، كوممەرتسيالىق جانە كوممەرتسيالىق ەمەس ۇيىمداردا باسقارۋشى قىزمەتتەردى اتقارا المايدى. جازاسىن قاۋىپسىزدىگى بارىنشا تومەن قىلمىستىق-اتقارۋ جۇيەسى مەكەمەسىندە وتەيدى»، - دەلىندى سوتتا.

ۇكىم زاڭدى كۇشىنە ەنگەن جوق.