+7 (701) 759 90 19
28 °С : نۇر-سۇلتان
24 °С : الماتى
USD 427.15 EUR 519.12
RUB 5.96 CNY 66.84
جاڭالىقتار

قازاقستان قورجىنىنا وليمپياداعا 63 جولداما ءتۇستى

11 ماۋسىم 10:01
:ءبولىسۋ
قازاقستان قورجىنىنا وليمپياداعا 63 جولداما ءتۇستى

تاشكەنت. قازاقپارات - كوركەم گيمناستيكادان تاشكەنتتە ءوتىپ جاتقان ليسەنزيالىق ازيا چەمپيوناتىندا قازاقستاندىق الينا ءادىلحانوۆا چەمپيون اتانىپ، توكيو وليمپياداسىنا جولداما الدى، دەپ حابارلايدى قازاقپارات.

ق ر ۇلتتىق وليمپيادا كوميتەتىنەن ءمالىم ەتكەندەي، الينا ءادىلحانوۆا كوپسايىس قورىتىندىسى بويىنشا 95.15 ۇپاي جيناپ، جەڭىسكە جەتتى.

ەكىنشى جانە ءۇشىنشى ورىندى وزبەكستاندىقتار تاحمينا يكروموۆا (92.90) مەن ەكاتەرينا فەتيسوۆا (90.85) يەلەنگەن.

قازاقستان اتىنان سىنعا تۇسكەن تاعى ءبىر سپورتشىمىز اديليا تىلەكەنوۆا جەتىنشى ورىنعا تابان تىرەدى. حالىقارالىق گيمناستيكا فەدەراتسياسى ليتسەنزيالىق ازيا بىرىنشىلىگىن وتكىزۋدى سوڭعى ساتتە شەشىپ، تۋرنير 6-ماۋسىمدا باستالعان بولاتىن. جارىس ەرەجەسى بويىنشا، تەك جەڭىمپاز اتانعان سپورتشىعا وليمپيادا جولداماسى تابىستالادى.

وسىلايشا، سارى قۇرلىقتان توكيو ويىندارىنا بەرىلەتىن جالعىز ليسەنزيانى الينا ءادىلحانوۆا ەنشىلەپ وتىر. بۇعان دەيىن الينا جەكەلەي سىندا ونەر كورسەتىپ، دوپ جانە شىعىرشىق جاتتىعۋىندا كۇمىس، ۇرشىقپەن جاتتىعۋدا التىن جۇلدە جەڭىپ الدى.

الينا ءادىلحانوۆا 2001 -جىلى 26 -قاڭتاردا دۇنيەگە كەلگەن. 2018 -جىلعى ازيا ويىندارىندا كوماندالىق جانە جەكەلەي سىندا التىن جۇلدەگەر اتانعان.

ايتا كەتەيىك، بۇگىنگە دەيىن قازاقستان سپورتتىڭ 25 تۇرىنەن وليمپياداعا 63 جولداما جەڭىپ الدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات