07:51, 26 - قاراشا 2020 | GMT +6
شىمكەنتتە جىل باسىنان بەرى 63 مىڭنان استام جۇرگىزۋشى كۋالىگى راسىمدەلگەن
شىمكەنت. قازاقپارات - شىمكەنت قالاسىنىڭ مامانداندىرىلعان ح ق و- سىندا جىل باسىنان بەرى 290 مىڭنان استام مەملەكەتتىك قىزمەت كورسەتىلگەن.
قالا تۇرعىندارى 63 مىڭنان استام جۇرگىزۋشى كۋالىگىن راسىمدەپ العان، دەپ حابارلايدى قازاقپارات ءتىلشىسى.
«ازاماتتارعا ارنالعان ۇكىمەت» مەملەكەتتىك كورپوراتسياسى فيليالىنىڭ ديرەكتورى دانابەك يسابەكوۆتىڭ ايتۋىنشا، بۇل وتكەن جىلدىڭ وسى كەزەڭىمەن سالىستىرعاندا %10 عا ارتقانىن كورسەتىپ وتىر.
«قازىرگى ۋاقىتتا ەكى مامانداندىرىلعان ح ق و- دا اۆتوكولىك يەلەرى تەمىر تۇلپارلارىن قايتا تىركەپ، جۇرگىزۋشى كۋالىگىن الۋدا. سونداي-اق، سول ورتالىقتاردا پراكتيكالىق ەمتيحان تاپسىرا الادى.
قاجەت بولعان جاعدايدا مەديتسينالىق تەكسەرۋدەن ءوتىپ، كۇن سايىن مۇندا 200 جۇرگىزۋشى كۋالىگى بەرىلۋدە. 600 دەن استام كولىك قۇرالى ەسەپكە الىنادى»، - دەيدى دانابەك يسابەكوۆ.
ايتا كەتەيىك، جىل باسىنان بەرى مامانداندىرىلعان ح ق و ارقىلى 227 مىڭعا تارتا اۆتوكولىك تىركەلگەن.