الەم ەلدەرىنىڭ اسكەري كۇشى بويىنشا رەيتينگتە قازاقستان 63-ورىنعا تۇراقتادى

None
None
نۇر-سۇلتان. قازاقپارات - الەم ەلدەرىنىڭ اسكەري قۋاتتىلىق دەڭگەيى بويىنشا رەيتينگىن جاسادى، دەپ حابارلادى finprom.kz.

رەيتينگكە بارلىعى 138 ەل كىرەدى. ا ق ش ءبىرىنشى ورىنعا جايعاستى. العاشقى بەستىكتە سونىمەن قاتار رەسەي، قىتاي، ءۇندىستان جانە جاپونيا بار. ال وندىققا وڭتۇستىك كورەيا، فرانسيا، ۇلى بريتانيا، ەگيپەت جانە برازيليا ەنگەن.

بۇل رەيتينگتە قازاقستان 63-ورىنعا يە بولدى. وسىلايشا، بولگاريا (62 - ورىن) مەن ازەربايجاننىڭ (64 - ورىن) اراسىندا تۇر. رەيتينگتەگى ەلدەر 50 فاكتور بويىنشا باعالانعان. ونىڭ ىشىندە اسكەري قورعانىسقا بولىنەتىن شىعىن دەڭگەيى، تەحنيكا مەن جابدىقتاردىڭ ارسەنالى، اسكەر سانى، تانكتەر، كەمەلەر، ۇشاقتار جانە باسقا دا اسكەري تەحنيكالار سانى ەسكەرىلگەن.

finprom.kz مالىمەتىنشە وسى جىلدىڭ ءبىرىنشى جارتىجىلدىعىنىڭ قورىتىندىسى بويىنشا قازاقستاننىڭ مەملەكەتتىك بيۋدجەت شىعىندارى 7,4 تريلليون تەڭگەنى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا % 23,8 كوپ. ونىڭ ىشىندە قورعانىس سالاسىنىڭ شىعىندارى 311,4 ميلليارد تەڭگەنى قۇراپ، بىلتىرعىمەن سالىستىرعاندا % 4,2 وسكەن.

www.24.kz


سوڭعى جاڭالىقتار