اقتوبەلىك دارىگەرلەر سوعىس ارداگەرىنىڭ دەنەسىندە 63 جىل تۇرعان وقتى الىپ شىقتى
اقتوبە وبلىسى تەمىر اۋدانىنىڭ تۇرعىنى ايتباي الماعانبەتوۆتىڭ دەنەسىندە پۋلەمەت وعى 63 جىل بويىنا تۇرعان، دەپ جازادى aktobenews.kz.
ارداگەر سوعىس جىلدارى دەنەسىنە كىرگەن وقتى سەزبەپتى. دەنەسىندە جۇرگەن تەمىر قارت جاۋىنگەردى 60 جىلدان كەيىن عانا مازالاعان. مۇنداي وقيعامەن قالاي كەزدەسكەندەرىن اۋداندىق اۋرۋحانانىڭ باس دارىگەرى دە بايانداپ بەردى.
«1942 -جىلى ۇلى وتان سوعىسى ارداگەرىنىڭ وڭ جاق يىعىنان پۋلەمەتتىڭ وعى ريكوشەت بولىپ تيگەن. سەبەبى وقتىڭ باسى مايىسىپ تۇر. اسكەري گوسپيتالعا ەمدەلىپ شىققاننان كەيىن قايتادان سوعىسقا كىرگەن. سول وق ەتتىڭ اراسىمەن قوزعالىپ، 1960 -جىلدارى شىنتاق بۋىنىنا كەلىپ تىرەلەدى. ويتكەنى شىنتاق بۋىنىن بۇگە الماي قالعان. ءبىراق بۇل كىسى ساناتوريگە بارىپ، سول جەردە ماسساج العان. وسى پروتسەدۋرادان كەيىن شىنتاق بۋىنى بۇگىلە باستاعان. ويتكەنى وق ءارى قاراي ءوتىپ كەتكەن بولۋ كەرەك. 2005 -جىلى 9 - مامىر قارساڭىندا ول كىسى اۋداندىق باس دارىگەردىڭ ورىنباسارى، حيرۋرگ مۇحتار ەلەۋسىن ۇلىنا قارالدى. وڭ جاق بىلەگىنىڭ ورتاڭعى بولىگىندە ىسىك پايدا بولعان. حيرۋرگ ىسىكتىڭ ۇستىنەن جەرگىلىكتى انەستەزيا ارقىلى كەسىپ، ريەۆيزيا جاسالعان كەزىندە وسى وق شىقتى»، - دەيدى تەمىر اۋداندىق ورتالىق اۋرۋحاناسىنىنىڭ باس دارىگەرى ەسەنتەمىر دەمەگەنوۆ.
63 جىل بويىنا سوعىس ارداگەرىنىڭ دەنەسىندە جۇرگەن وق قازىر اۋداندىق مۇراجايدا تۇر.
www.24.kz