+7 (701) 759 90 19
9 °С : نۇر-سۇلتان
22 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

الماتىدا 635 مىڭ ادام كوروناۆيرۋسقا قارسى ۆاكسينا الدى

5 تامىز 13:55
:ءبولىسۋ
الماتىدا 635 مىڭ ادام كوروناۆيرۋسقا قارسى ۆاكسينا الدى

الماتى. قازاقپارات - الماتى قالاسىنداعى №8 ەمحانانىڭ باس دارىگەرى كوروناۆيرۋسقا قارسى ۆاكسينالارعا قالاي سەنۋگە بولاتىنىن ءتۇسىندىردى، دەپ حابارلايدى قازاقپارات.

الماتىدا №8 ەمحانانىڭ باس دارىگەرى فاريدا اعىبايەۆا قازاقستاندىق جانە رەسەيلىك ۆاكسينالارعا سەنىمسىزدىكتىڭ جالپى فونىن قۇرۋعا تىرىساتىن انتيۆاكسەرلەرگە جاۋاپ بەردى. فاريدا اعىبايەۆا الماتىدا 1 ميلليوننان استام ادام ۆاكسيناتسيادان وتەتىنىن ايتتى. ازىرگە 635 مىڭ ادام ءبىرىنشى كومپونەنتتى الدى. 350 مىڭعا جۋىق الماتىلىق ۆاكسينانىڭ ەكى دوزاسىن الدى. باس دارىگەردىڭ ايتۋىنشا، بۇل كورسەتكىش 2 ميلليوننان استام ادام تۇراتىن مەگاپوليس ءۇشىن وتە از.

«بۇگىندە قازاقستاندىقتار كوروناۆيرۋسقا قارسى ءارتۇرلى ۆاكسينانى الا الادى. سپۋتنيك V قازىردىڭ وزىندە سەربيا، ۆەنگريا، ب ا ءا، مەكسيكا، تۇركيا، برازيليا، يوردانيا، شري- لانكا سياقتى 67 ەلدە ماقۇلداندى»، - دەيدى ف. اعىبايەۆا.

ونىڭ ايتۋىنشا، كوروناۆيرۋسقا قارسى ۆاكسينا - الەمدىك مەديتسينانىڭ جەتىستىگى، ويتكەنى پرەپاراتتار رەكوردتىق قىسقا ۋاقىتتا جاسالدى. الماتى قالاسىنىڭ №8 ەمحاناسىنىڭ باس دارىگەرى قازىرگى عىلىمدى وسىدان ەلۋ جىل بۇرىن ۆاكسينالار جىلدار بويى جاسالعان جاعدايمەن سالىستىرۋدىڭ اقىلعا سىيمايتىنىن اتاپ ءوتتى، ويتكەنى پروگرەسستىڭ دامۋى ارقاسىندا ولاردىڭ جاسالۋى وزگەردى. ف. اعىبايەۆا ۆاكسينانىڭ كەز كەلگەن شتاممعا اسەر ەتەتىنىن، سەبەبى ۆيرۋستىڭ قۇرىلىمى وزگەرمەيتىنىن جانە ۆاكسينا يممۋنيتەتتى قالىپتاستىراتىنىن ايتتى.

بۇل اۋرۋ ىقتيمالدىعىنىڭ جوقتىعىنا كەپىلدىك بەرمەيدى، ءبىراق ۆاكسينالانعان ادامدا كوروناۆيرۋس جەڭىل تۇردە جانە اسقىنباي وتەدى. دارىگەر انتيۆاكسەرلەردى كۆي- گە قارسى ۆاكسينالارىن نەگىزسىز سىناماۋعا، ال حالىقتى - مەديتسيناعا سەنۋگە جانە سانيتارلىق- ەپيدەميولوگيالىق تالاپتاردى ورىنداۋعا شاقىردى.

«اسىرەسە، قازىر دەرت ءورشىپ تۇرعان كەزدە جەكە گيگيەنا ەرەجەلەرىن قاتاڭ ساقتاۋ، قولدى ءجيى جۋۋ، مەديتسينالىق ماسكالاردى قولدانۋ، الەۋمەتتىك قاشىقتىقتى ساقتاۋ، بالالاردى كوپ جينالاتىن جەرلەرگە، ۇلكەن ويىن الاڭدارىنا بارۋدان باس تارتۋ قاجەت»، - دەدى ف. اعىبايەۆا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات