ءبىر تاۋلىكتە كوروناۆيرۋستان برازيليادا - 631، ءۇندىستاندا 500 ادام كوز جۇمدى

انكارا. انادولى- قازاقپارات - برازيليا مەن ءۇندىستاندا كوروناۆيرۋس ينفەكتسياسىنان قايتقاندار سانى ارتىپ وتىر، دەپ حابارلايدى قازاقپارات انادولى اگەنتتىگىنە سىلتەمە جاساپ.

برازيليا برازيليادا كوروناۆيرۋستان ءبىر تاۋلىكتە 631 ادام كوز جۇمعان. ەلدە قاۋىپتى ينفەكسيادان قايتىس بولعانداردىڭ جالپى سانى 72100 ادامعا جەتتى. برازيليانىڭ دەنساۋلىق ساقتاۋ مينيسترلىگىنىڭ حابارلاۋىنشا، ەلدەگى كوروناۆيرۋس اۋرۋى راستالعانداردىڭ سانى 24831 دەن 1864681 گە جەتتى. اۋرۋ جۇقتىرۋ مەن ءولىم جاعدايلارىنىڭ باسىم كوپشىلىگى 46 ميلليون حالقى بار سان- پاۋلۋدا تىركەلگەن. بۇل شتاتتا قاۋىپتى ىندەتتەن 17848 ادام كوز جۇمعان. قاۋىپتى ينفەكتسيانى جۇقتىرۋدىڭ راستالعان جاعدايلارىنىڭ جالپى سانى - 371977. جالپى ەلدە كوروناۆيرۋستان 1123204 ادام ساۋىعىپ شىقتى.

Worldmeter ينتەرنەت پورتالىنىڭ مالىمەتىنشە، برازيليا لاتىن امەريكاسىندا قۇربان بولعاندار مەن اۋرۋ جۇقتىرعاندار سانى بويىنشا كوش باستاپ تۇر جانە الەمدە ەكىنشى ورىندا. ەسكە سالا كەتەيىك، برازيليا پرەزيدەنتى جاير بولسونارۋدىڭ كوروناۆيرۋسقا تاپسىرعان تەستىنىڭ ناتيجەسى ونىڭ ناۋقاس ەكەنىن كورسەتكەن. ءۇندىستان ءۇندىستاننىڭ دەنساۋلىق ساقتاۋ مينيسترلىگىنىڭ حابارلاۋىنشا، ءبىر تاۋلىكتە كوروناۆيرۋستان 500 ادام كوز جۇمعان. ەلدە كوروناۆيرۋس ىندەتىنەن قايتىس بولعانداردىڭ جالپى سانى 23174 ادامعا دەيىن ارتتى. اۋرۋعا شالدىققانداردىڭ تاۋلىكتىك ءوسىمى 28701 ادامدى قۇراپ، جالپى سانى 878245 ادامعا جەتتى. كوروناۆيرۋستان 554429 ناۋقاس ەمدەلىپ شىقتى.

Worldometer ينتەرنەت پورتالىنىڭ مالىمەتىنشە، ءۇندىستان الەمدە COVID-19 جۇقتىرۋ جاعدايلارىنىڭ سانى بويىنشا ءۇشىنشى ورىندا تۇر.