ەلىمىزدە 62 مىڭنان استام بالا ۆاكسينا الدى

نۇر-سۇلتان. قازاقپارات - ەلىمىزدە 62 مىڭنان استام بالا ۆاكتسينا الدى. بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءبىرىنشى ۆيتسە- ءمينيسترى مارات شورانوۆ ايتتى، دەپ حابارلايدى قازاقپارات ءتىلشىسى.

«قازاقستانعا Comirnaty (Pfizer) ۆاكسيناسىنىڭ 645 مىڭ دوزاسى كەلىپ ءتۇستى. بۇگىنگى كۇنى 62 مىڭ 707 بالا جانە 17 مىڭ 015 جۇكتى جانە بالا ەمىزەتىن ايەلدەر ەگىلدى. ۆاكسينانى جەتكىزۋ اپتا سايىن جالعاسۋدا»، - دەدى ءبىرىنشى ۆيتسە- مينيستر.

جالپى ونىڭ دەرەگىنشە، ۆاكسيناتسيانىڭ 1- كومپونەنتىمەن 8,7 ميلليون ادامنان استام ادام ەگىلدى، ەگىلۋگە ءتيىستى حالىقتىڭ 76,6 پايىزى نەمەسە جالپى حالىقتىڭ 46,2 پايىزى قامتىلدى. ەكىنشى كومپونەنتپەن ءتيىستى حالىقتىڭ 70,8 پايىزىن نەمەسە جالپى حالىق سانىنىڭ 42,7 پايىزىن قامتي وتىرىپ، 8 ميلليوننان استام ادام ەگىلدى.