+7 (701) 759 90 19
15 °С : نۇر-سۇلتان
14 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

قازاقستانداعى اتا-انالاردىڭ 62 پايىزى ءوز بالالارىن تاربيەلەۋگە قاتىسپايدى - ساۋالناما

11 مامىر 21:56
:ءبولىسۋ
قازاقستانداعى اتا-انالاردىڭ 62 پايىزى ءوز بالالارىن تاربيەلەۋگە قاتىسپايدى - ساۋالناما

نۇر-سۇلتان. قازاقپارات - قازاقستان مەشىتتەرىندە ۇيلەنگىسى كەلەتىن جاندارعا ارنالعان نەكەگە دەيىنگى كەڭەس بەرۋ ماتەريالدارى تاراتىلدى، دەپ حابارلايدى قازاقپارات ب ۇ ۇ حالىقتىڭ قونىستانۋ سالاسىنداعى قورىنىڭ (ي ۋ ن پ ف ا) قازاقستانداعى وكىلدىگىنە سىلتەمە جاساپ.

باسىلىمدى ي ۋ ن ف پ ا قازاقستان مۇسىلماندارى ءدىني باسقارماسىنىڭ ماقۇلداۋىمەن ازىرلەگەن جانە 80000 انىقتاما قازاقستاننىڭ بارلىق ايماقتارىنداعى مەشىتتەرگە تاراتىلعان. ماتەريالدار ەرلى-زايىپتىلارعا رۋحاني جانە وتباسىلىق قۇندىلىقتارعا، يسلام ەرەجەلەرىنە، سونداي-اق مەملەكەتتىك جانە حالىقارالىق ادام قۇقىقتارى ستاندارتتارىنا سايكەس وتباسىن قۇرۋعا كومەكتەسەدى.

«ءدىني كوشباسشىلار رەپرودۋكتيۆتى دەنساۋلىقتى نىعايتۋعا، ونىڭ ىشىندە وتباسىن جوسپارلاۋعا، گەندەرلىك زورلىق-زومبىلىقتىڭ الدىن الۋعا جانە وعان دەن قويۋعا، سونداي-اق ەرتە جاستاعى ءماجبۇرلى نەكە سياقتى زياندى پراكتيكالاردىڭ الدىن الۋعا ىقپال ەتەتىن قوعامداستىقتار دەڭگەيىندە ادام قۇقىقتارىن ىلگەرىلەتۋدە ۇلكەن ءرول اتقارادى»، - دەدى ي ۋ ن ف پ ا- نىڭ حالىقتى قونىستاندىرۋ، دامىتۋ جانە گەندەرلىك ماسەلەلەر جونىندەگى ۇلتتىق ۇيلەستىرۋشىسى عازيزا مولداقۇلوۆا.

ۇيىمنىڭ حابارلاۋىنشا، 2020-جىلعى «قازاقستاندىق وتباسىلار» ۇلتتىق بايانداماسىندا ءاربىر ءۇشىنشى نەكە بۇزىلىپ، ءاربىر التىنشى وتباسى بالالى بولا المايتىنى، ال اتا-انالاردىڭ %62 ءوز بالالارىن تاربيەلەۋگە قاتىسپايتىنى جازىلعان.

وتباسىنداعى زورلىق-زومبىلىقتى سول ساۋالناماعا جاۋاپ بەرۋشىلەر اجىراسۋ تۋرالى شەشىم قابىلداۋدىڭ ەڭ ماڭىزدى فاكتورى دەپ اتاعان.

ازىرلەنگەن ماتەريالدار يسلامدا نەكەگە تۇرۋ شەشىمى قابىلداعان كەزدە ەرلەر دە، ايەلدەر دە قابىلداۋى كەرەك ءوزارا قولداۋ مەن جاۋاپكەرشىلىك تۋرالى پراكتيكالىق اقپاراتتى قامتيدى.

«زورلىق-زومبىلىقسىز، وتباسىن جوسپارلاۋ، جاۋاپتى اتا-انا بولۋ جانە يسلامداعى باسقا دا ومىرلىك ماڭىزدى سالالاردى، ولاردىڭ ۇلتتىق جانە حالىقارالىق قۇجاتتاردا بەكىتىلگەن ادام قۇقىقتارىنىڭ نەگىزگى قاعيداتتارىنا قالاي نەگىزدەلگەنىن ءبىلۋ ەرلى-زايىپتىلارعا سۇيىسپەنشىلىكتە، ءوزارا قۇرمەت پەن تۇسىنىستىكتە ءومىر سۇرۋدە باستى ءرول اتقارادى»، - دەدى ي ۋ ن ف پ ا- نىڭ قازاقستانداعى وكىلى جانە قىرعىزستان مەن تۇرىكمەنستانداعى ەلدىك ديرەكتورى دجۋليا ۆالەزە.

ايتا كەتەيىك، ماتەريالدار مەشىتتەردە نەكەگە تۇرعان ەرلى-زايىپتىلارعا بەرىلەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات