كاشميردەگى تابيعات اپاتىنان 62 ادام قازا تاۋىپ، كوپتەگەن ادام ءىز-ءتۇزسىز كەتتى

None
None
كاشمير. قازاقپارات - كاشميردە سوڭعى ءۇش كۇن ىشىندە بولعان تاس پەن توپىراق سىرعىماسى مەن كوشكىن سالدارىنان 62 ادام قازا تاۋىپ، كوپتەگەن ادام ءىز-ءتۇزسىز جوعالىپ كەتتى، دەپ حابارلايدى قازاقپارات BBC- گە سىلتەمە جاساپ.

اسىرەسە، نيلۋم القابى قاتتى زارداپ شەكتى (ەكى جاعىن تاۋ قورشاعان 130 شاقىرىمدىق اي پىشىندەس جىڭىشكە القاپ). بۇل وڭىردە تابيعي اپات ءجيى بولىپ تۇرادى، دەگەنمەن وسى جولعى اپات تاريحتاعى ەڭ اۋقىمدىسى بولىپ وتىر.

پاكىستاننىڭ باسقا دا بولىگىندەگى ونداعان ادام، ءۇندىستان مەن اۋعانستان حالقى قولايسىز اۋا رايىنىڭ قۇربانى بولدى.

كاشمير قاتتى زارداپ شەككەن اۋدانداردىڭ ءبىرى: 62 ادام قازا تاۋىپ، بىرنەشە ادام ءىز- ءتۇزسىز جوعالىپ كەتتى، دەلىنگەن پاكىستان ۇلتتىق تابيعي اپاتقا قارسى كۇرەس باسقارماسىنىڭ حابارلاماسىندا.

پاكىستاننىڭ بەلۋجيستان پروۆينسياسىندا، رەسمي مالىمەتتەرگە سايكەس، 20 ادام قازا تاپتى، سونىڭ ىشىندە 12 ايەل جانە 7 بالا بار.

جەرگىلىكتى ب ا ق- تىڭ دەرەگى بويىنشا، ءۇندىستاندا سەگىز ادام مەرت بولعان.

رەسمي مالىمەتتەرگە سايكەس، اۋعانستاندا سوڭعى ەكى اپتا ىشىندە 24 ادام قازا تاۋىپ، 40 ادام جاراقات العان. قاتتى زاقىمدالعان پروۆينتسيالارعا گيلمەند، كانداگار، گەرات جانە كابۋل كىرەدى. مۇندا قۇتقارۋ جۇمىستارى جۇرگىزىلۋدە.

پاكىستان بيلىگى BBC-گە حابارلاعانداي، نيلۋم الابىندا تاس- توپىراق كوشكىنى مەن سىرعىمادان 59 ادام قازا تاۋىپ، 40 ادام جاراقات العان. 100 دەن استام ءۇي قيراعان.

پوليتسيانىڭ مالىمەتىنشە، الاپقا اپارار جولداردىڭ بارلىعى جابىلىپ قالعان. سوندىقتان قۇتقارۋ كوماندالارى وندا بارا الماي جاتىر.

سوڭعى جاڭالىقتار