الەمدە 62,8 ميلليون ادام كوروناۆيرۋس جۇقتىرعان
قازاقپارات قاۋىپتى ۆيرۋسقا قاتىستى الەمدەگى جاعدايدى BBC گە سىلتەمە جاساپ حابارلايدى.
دجونس حوپكينس ۋنيۆەرسيتەتىنىڭ مالىمەتىنە سايكەس، الەمدە COVID-19-عا شالدىققاندار سانى 62,7 ميلليون ادامنان اسىپ جىعىلدى، 1,4 ميلليون ادام قايتىس بولدى، 40,2 ميلليون ناۋقاس جازىلدى.
Moderna Inc كومپانياسى ءوزىنىڭ mRNA-1273 ەكسپەريمەنتالدى ۆاكتسيناسىنا ليتسەنزيا الۋ ءۇشىن ا ق ش پەن ەۋروپاعا ءوتىنىم جىبەردى.
باستى تالاپ - ۆاكتسينا ءتيىمدى ءارى قاۋپسىز بولۋى ءتيىس. بۇعان دەيىن Moderna Inc كومپانياسى تەستىلەۋدىڭ قورىتىندى كەزەڭىندە ۆاكتسينا %94,5 تيىمدىلىگىن كورسەتكەنىن ءمالىم ەتتى.
كلينيكالىق سىناققا 30 مىڭ ەرىكتى قاتىسقان، ولاردىڭ اراسىندا تاۋەكەل توبىنداعى قاريت ادامدار بولعان. ناقتى ۆاكتسينا 15 مىڭ ادامعا سالىنعان جانە ولاردىڭ تەك 11 ءى عانا كوروناۆيرۋس جۇقتىرىپ، ونى جەڭىل تۇردە وتكىزگەن. ەرىكتىلەردىڭ قالعان بولىگى پلاتسەبو قابىلداعان، ولاردىڭ اراسىندا تەك 185 ىندە Covid-19 انىقتالدى. سىرقات كوبىسىندە اۋىر وتكەن.
كوروناۆيرۋسقا قارسى ۆاكتسينا ازىرلەگەن تاعى ءبىر كومپانيا - Pfizer ليتسەنزيا السۋ ءۇشىن ا ق ش- قا ءوتىنىم جىبەرىپ قويعان. بۇدان بولەك، امەريكانىڭ قۇزىرلى ورگانى AstraZenca كومپانياسى وكسفورد ۋنيۆەرسيتەتىنىڭ عالىمدارىمەن بىرلەسىپ ازىرلەگەن ۆاكتسينانى دا قاراستىرۋدا.
رەسەي دە ويلاپ تاپقان «سپۋتنيك V» ۆاكتسيناسىنىڭ كلينيكالىق سىناعىنىڭ ناتيجەسىن كۇتۋدە.
ەۋروپاداعى سوڭعى جاڭالىقتار
يتاليا ۇكىمەتى كوروناۆيرۋستىڭ ەكىنشى تولقىقىنا وراي 8 ميلليارد ەۋرو كولەمىندە بيزنەسكە كومەك پاكەتىن ازىرلەدى. دۇيسەنبى كۇنى بيزنەسكە قولداۋى تۋرالى كانادا دا جاريا ەتپەك. ونىمەن ءبىر مەزگىلدە، گەرمانيانىڭ ەكونوميكا ءمينيسترى پيتەر التمايەردىڭ ايتۋىنشا، ۇكىمەت كومپانيالاردى سۋبسيديالاۋدى جالعاستىرا بەرە المايدى جانە ۆيرۋسقا توسقاۋىل قويۋ ءۇشىن ادامداردىڭ وزدەرى اناعۇرلىم كوبىرەك كۇش سالۋى كەرەك. ال ۇلى بريتانيا روجدەستۆولىق مەرەكەلەرگە بايلاپنىستى دۇكەندەردىڭ جۇمىس ۋاقىتىن ۇزارتپاق. جانە بۇل رۇقسات قاڭتار ايىنىڭ سوڭىنا دەيىن ساقتالادى.
2- جەلتوقسان كۇنى اتالمىش ەل ەكىنشى لوكداۋننان شىعادى. دەگەنمەن، ءتۇرلى شەكتەۋ شارالارى مەملەكەتتىڭ بارلىق اۋماعىندا ساقتالادى. فرانسيا ۇكىمەتى جانىنداعى عىلىمي كەڭەس ەلگە ۆاكتسينالاردىڭ العاشقى دوزاسى جەيتكىزىلگەن بويدا ولاردى قارتتار ۇيلەرىنىڭ تۇرعىندارىنا سالۋعا كەڭەس بەرىپ وتىر.
ا ق ش: وكىنىشكە الىپ كەلگەن مەرەكە
ا ق ش- تىڭ باس ەپيدەميولوگى ەنتوني فاۋچي العىس ايتۋ كۇنىنە وراي امەريكالىقتاردىڭ كانيكۋلدىق ساپارلارىنان كەيىن ەلدە كوروناۆيرۋستى جۇقتىرۋشىلار سانى كۇرت ارتۋى مۇمكىن دەپ ەسەپتەيدى. ءداستۇرلى تۇردە اتالمىش مەرەكەدەن كەيىنگى اپتا ەل ىشىندە قاربالاسقا تولى بولادى.
بىلتىر وسى ۋاقىتتا امەريكا قالالارىنىڭ اۋەجايلارىنان 26 ميلليونعا جۋىق جولاۋشى ۇشقان. بيىل دارىگەرلەر امەريكالىقتاردى مەركەنى ۇيدە اتاپ وتۋگە كەڭەس بەرگەنىمەن، وتكەن اپتادا اۋەجايلاردا ناۋرىز ايىنان بەرگى ەڭ كوپ جولاۋشى - 1 ميلليون ادام تىركەلدى. ا ق ش- تا پاندەميا باستالعالى 13 ميلليون ادام سىرقاتتاندى، 266 مىڭى قايتىس بولدى.