+7 (701) 759 90 19
3 °С : نۇر-سۇلتان
9 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

نازاربايەۆ زياتكەرلىك مەكتەپتەرىنىڭ تاجىريبەسى الماتىنىڭ 61 مەكتەبىنە ەنگىزىلىپ جاتىر

6 قىركۇيەك 14:21
:ءبولىسۋ
نازاربايەۆ زياتكەرلىك مەكتەپتەرىنىڭ تاجىريبەسى الماتىنىڭ 61 مەكتەبىنە ەنگىزىلىپ جاتىر

الماتى. قازاقپارات - الماتى اكىمىنىڭ ورىنباسارى ەرجان باباقۇماروۆ نزم تاجىريبەسىن الماتى مەكتەپتەرىنە ترانسلياتسيالاۋدىڭ پوستمونيتورينگ زەرتتەۋىن جۇرگىزۋدى تاپسىردى، دەپ حابارلايدى قازاقپارات ءتىلشىسى.

ونلاين رەجيمدە الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن «نازاربايەۆ زياتكەرلىك مەكتەبى» الماتىداعى فيليالىنىڭ قامقورشىلىق كەڭەسىنىڭ ۇيىمداسقان وتىرىسى ءوتتى. جيىنعا سونىمەن بىرگە قالالىق ءبىلىم باسقارماسىنىڭ باسشىسى ءلاززات جىلقىبايەۆا قاتىستى. وتىرىس بارىسىندا الماتىداعى ن ز م كورسەتكىشتەرى، قالانىڭ ورتا ءبىلىم جۇيەسىنە تاجىريبەسىمەن ءبولىسۋ بارىسى، سونىمەن بىرگە وقۋشىلاردىڭ ءبىلىم بەرۋ جەتىستىكتەرىندەگى باعالاۋ بويىنشا

PISA حالىقارالىق باعدارلاماسىنىڭ ناتيجەلەرى جانە الماتى قالاسى مەكتەپتەرىنىڭ پەداگوگيكالىق ماماندارىنىڭ كاسىبيلىگىن دامىتۋ ماسەلەلەرى قارالدى.

«فيزيكا- ماتەماتيكالىق باعىتتاعى نازاربايەۆ زياتكەرلىك مەكتەبىنىڭ الماتى قالاسىنداعى فيليالىنىڭ ديرەكتورى جۇلدىز سۇلەيمەنوۆا 2019-2020 وقۋ جىلىنا ارنالعان فيليالدىڭ جۇمىس ساراپتاماسى بويىنشا باياندادى. ونىڭ ايتۋىنشا، وقۋشىلاردىڭ ءبىلىم ساپاسى 2019-2020 وقۋ جىلىنىڭ قورىتىندىسى بويىنشا 85,2 پايىزدان 98 پايىزعا دەيىن جاقسارعان، 118 وقۋشى وقۋدى ۇزدىك بەلگىسىمەن اياقتاعان. 2020-2021 وقۋ جىلىنا وقۋشىلاردىڭ جەكە دارا وقۋىن ودان ارى دامىتۋ، ينجەنەرلىك لابوراتوريا جانە «عارىش» لابوراتورياسىن قۇرۋ، سونىمەن بىرگە، مۇعالىمدەر قۇرامىنا قولداۋ جاساۋ بويىنشا مىندەتتەر قويىلعان.

قاشىقتان وقۋ اياسىندا اعىمداعى جىلدىڭ قازان ايىنان باستاپ، وقۋشىلاردىڭ جەكە تراەكتورياسىن دامىتۋدىڭ ونلاين پلاتفورماسىن ەنگىزۋ جوسپارلانۋدا. ن ز م تاجىريبەسىن الماتى مەكتەپتەرىنىڭ وقۋ پروتسەسىنە تاراتۋعا ەرەكشە كوڭىل ءبولىنىپ كەلەدى. بۇگىنگى تاڭدا ن ز م فيليالىنىڭ تاجىريبەسى الماتىدا قالانىڭ 61 مەكتەبىنە تارالۋدا. الماتى نزم ۇيىمداستىرعان سەمينارلارعا، ۆەبينارلارعا جانە شەبەرلىك سىنىپتارىنا مىڭنان اسا ادام قاتىسقان.

وتىرىسقا قامقورشىلىق كەڭەستىڭ مۇشەلەرى: قالالىق ءماسليحات دەپۋتاتى ءامىرجان نابيەۆ، «ۇلتتىق اۋدارما بيۋروسى» قورىنىڭ اتقارۋشى ديرەكتورى ر. كەنجەحان ۇلى، پەداگوگيكالىق ولشەمدەر ورتالىعىنىڭ ديرەكتورى ا. شىلىكبەكوۆا، «فيزيكا- ماتەماتيكالىق باعىتتاعى «نازاربايەۆ زياتكەرلىك مەكتەبى» الماتى قالاسى فيليالى ديرەكتورىنىڭ ورىنباسارى س. سولتانعازينا، نازاربايەۆ ۋنيۆەرسيتەتى جوعارى ءبىلىم فاكۋلتەتىنىڭ دەكانى ا. ساعىنتايەۆا، «ا ز م ك» ج ش س باس ديرەكتورى ش. شاردينوۆ، قازاقستانداعى سينەرگيا ۋنيۆەرسيتەتى وكىلدىگىنىڭ باس ديرەكتورى ب. قاسىمبەرگەبايەۆ، «قازاقستاننىڭ 100 جاڭا تۇلعاسى» جوباسىنىڭ جەتەكشىسى م. ەسەن، «تۇرعىن ءۇي قۇرىلىس جيناق بانكى» ا ق ءتوراعاسىنىڭ ورىنباسارى جانە باسقالارى قاتىستى.

قامقورشىلىق كەڭەستىڭ II وتىرىسىن قورىتىندىلاي كەلە الماتى قالاسى اكىمىنىڭ ورىنباسارى ەرجان باباقۇماروۆ ن ز م- ءنىڭ جوعارى كورسەتكىشتەرىن اتاپ ءوتتى جانە بارلىق وقىتۋشىلار قۇرامىنا العىسىن ءبىلدىردى. اعىمداعى جىلى ن ز م- ءنىڭ 3 ءمۇعالىمى قالا اكىمى باقىتجان ساعىنتايەۆتىڭ باستاماسىمەن قولعا الىنعان «الماتى جاستارى» باعدارلاماسى اياسىندا باسپاناعا يە بولعان. ەكىنشى كەزەڭ بارىسىندا مۇعالىمدەر تاراپىنان وتىنىشتەر تۇسكەن.

ەرجان باباقۇماروۆ ءبىلىم باسقارماسىنىڭ باسشىلىعىنا ن ز م الماتى فيليالىنىڭ وقۋشىلاردىڭ جەكە- دارا ناتيجەسىن جاقسارتۋ بويىنشا جۇمىستارىن جالعاستىرۋدى جانە قالانىڭ جالپى ءبىلىم بەرەتىن مەكتەپتەرىنە نازاربايەۆ زياتكەرلىك مەكتەبىنىڭ تاجىريبەسىمەن ءبولىسۋ جۇمىستارىن قولعا الۋدى، سونىمەن بىرگە قالانىڭ ورتا مەكتەپتەرىنە تاجىريبەنى يمپلەمەنتاتسيالاۋ جانە ن ز م ستاندارتتارى بويىنشا پاندەردى ۇيرەتۋدىڭ ساپا ديناميكاسى بويىنشا زەرتتەۋ جۇرگىزۋدى تاپسىردى.

اۆتور: گۇلميرا عوسمانالي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات