20:46, 28 - قاڭتار 2020 | GMT +6
قازاقستان ۋحان قالاسىنان 61 ستۋدەنتتى ەلگە قايتارۋ ءۇشىن كەلىسسوز جۇرگىزۋدە
نۇر- سۇلتان. قازاقپارات - قازاقستان ۋحان قالاسىندا ءبىلىم الىپ جاتقان 61 قازاقستاندىق ستۋدەنتتى ەلگە قايتارۋ ءۇشىن قىتاي تاراپىنان كەلىسسوز جۇرگىزىپ جاتىر. بۇل تۋرالى قازاقستاننىڭ باس سانيتارلىق دارىگەرى جانداربەك بەكشين ايتتى، دەپ حابارلايدى قازاقپارات ءتىلشىسى.
«قازاقستان ۇكىمەتى قىتاي ۇكىمەتىنە ۋحاننان 61 ستۋدەنتىمىزدى ەلگە الىپ كەلۋگە نيەتتى ەكەندىگىن ءبىلدىردى. ايتا كەتەرلىك جايت، قىتايعا ارنايى بورتپەن باراتىن دارىگەرلەرىمىز قورعانىس كوستيۋمدارمەن جانە ماسكامەن جابدىقتالادى. ولار كەلگەننەن كەيىن زارارسىزداندىرۋدان وتەدى جانە ستۋدەنتتەر 14 كۇنگە كارانتيندىك ستاتسيونارعا ورنالاستىرىلادى. قازىر قىتاي تاراپىنان ءبىزدىڭ ۇشاقتىڭ ۇشۋىنا كەلىسىم كۇتىپ وتىرمىز»، - دەدى جانداربەك بەكشين.
ەلىمىزدىڭ باس دارىگەرى قىتايدا جۇرگەن ستۋدەنتتەرىمىز بەن ازاماتتارىمىزدى ەلگە قايتارۋىمىز قاجەتتىگىن باسا ايتتى.
«سوندىقتان شەكارانى جابۋ مۇمكىن ەمەس»، - دەدى ول.
اۆتور: مارلان جيەمباي