«بولاشاق» بويىنشا تەحنيكالىق ماماندىقتارعا بەرىلەتىن گرانت سانى 60 پايىزعا ءوستى

None
None
نۇر- سۇلتان. قازاقپارات - «بولاشاق» بويىنشا قۇجاتتاردى قابىلداۋ باستالدى. وتىنىشتەر 2022 -جىلدىڭ 14-قازانىنا دەيىن Egov.kz ارقىلى قابىلدانادى.

بۇل تۋرالى قازاقپارات ب ع م سىلتەمە جاساپ حابارلايدى.

مىنا سىلتەمەگە ءوتىپ، «بولاشاق» ستيپەندياسىنىڭ كونكۋرستىق ىرىكتەۋىنە قاتىسۋعا ءوتىنىم بەرۋگە بولادى. ال تاعىلىمدامادان وتۋگە 5-قىركۇيەك پەن 14-قازان ارالىعىندا قۇجاتتار قابىلدانادى. كونكۋرستىق ىرىكتەۋ 2022 -جىلدىڭ 30-مامىر مەن 30-قاراشا ارالىعىندا وتەدى. وسى جىلى ماگيستراتۋرا مەن رەزيدەنتۋراعا 385، دوكتورانتۋراعا 60 ستيپەنديا ءبولىندى. مەملەكەت باسشىسىنىڭ تاپسىرماسىمەن «بولاشاق» باعدارلاماسىن قايتا باعدارلاۋ پروتسەسى ىسكە قوسىلدى.

تەحنيكالىق جانە IT ماماندىقتارعا گرانتتار سانى 60 پايىزعا دەيىن ۇلعايتىلدى. باستى نازار ينجەنەرلىك- تەحنيكالىق كادرلاردى دايارلاۋعا اۋدارىلادى: «ينجەنەرلىك جۇيەلەر مەن جەلىلەر»، «اۆياتسيا جانە اەروعارىشتىق تەحنيكا. اۋە قوزعالىسىن باسقارۋ»، «ۇلكەن دەرەكتەردى تالداۋ»، «جاڭا ماتەريالدار تەحنولوگياسى»، «دەرەكتەر بازاسىن باسقارۋ»، «اۆياتسيالىق تەحنيكا جانە تەحنولوگيالار»، «ماشينا جاساۋ»، «ونەركاسىپتىك اۆتوماتتاندىرۋ» جانە ت. ب.

تىزىمگە يننوۆاتسيالار، جاڭا تەحنولوگيالار، مەديتسينا جانە ونەركاسىپتىك ينجەنەريا، جاراتىلىستانۋ عىلىمدارى سالاسىنداعى 40 جاڭا ماماندىق ەنگىزىلدى. ولاردىڭ 17 ءسى اتاۋلارىن كەڭەيتۋ ارقىلى بۇرىننان بار ماماندىقتارعا ەندى. جالپى بيىل «بولاشاق» باعدارلاماسى بويىنشا باسىم ماماندىقتار تىزىمىندە اكادەميالىق وقۋعا 92، تاعىلىمدامادان وتۋگە 158 ماماندىق قاراستىرىلعان. باسىم ماماندىقتار ءتىزىمى تەحنيكالىق ماماندىقتارمەن %30 عا كەڭەيتىلدى. «بولاشاق» حالىقارالىق ستيپەندياسىنا كونكۋرستىق ىرىكتەۋ 3 كەزەڭنەن تۇرادى:

1. كەشەندى تەستىلەۋ؛

2. تاۋەلسىز ساراپشىلىق كوميسسياسى مۇشەلەرىمەن جەكە اڭگىمەلەسۋ؛

3. شەتەلدە كادرلار دايارلاۋ جونىندەگى رەسپۋبليكالىق كوميسسيا وتىرىسىندا قۇجاتتاردى قاراۋ.


سوڭعى جاڭالىقتار