كاپسۋلادا 60 جىل بويى ءومىر سۇرگەن ايەل جايلى نە بىلەمىز

نۇر-سۇلتان. قازاقپارات -ءبىز كەيدە ءوز ومىرىمىزگە نالىپ جاتامىز. تاعدىر تەك بىزگە قارسى تۇرعانداي سەزىنەمىز. ءبىراق وسىنداي ساتتەردە اۋىر سىناق بەرىلسە دە، ەش سىنباعان جانداردى ەسكە العان دۇرىس.

وسىنداي ادامداردىڭ ءبىرى 60 جىل بويى كاپسۋلادا جاتقان مارتا مەيسون، دەپ حابارلايدى Bigpicture.ru. مارتا مەيسون 1937 -جىلى دۇنيەگە كەلىپ، 11 جاسىنا دەيىن قاتارداعى امەريكالىق قىزداردان ايىرماشىلىق سەزىنبەگەن. ول بالالارمەن ويناپ، مەكتەپكە بارىپ، اناسىنا ءۇي تىرلىگىنە كومەكتەسكەن. الايدا 1948 -جىلى مەيسوننىڭ جانۇياسىنا قارالى كۇندەر باستالعان. الدىمەن مارتانىڭ اعاسى پوليوميەليتتەن كوز جۇمىپ، ارتىنشا قىزدىڭ ءوزى دە دەرتكە شالدىققان.

مەيسون امان قالعانىمەن، سىرقات ونى توسەككە تاڭىپ، ەشتەڭەگە قاۋقارى جوق مۇگەدەككە اينالدىردى. ءبىر ايدىڭ ىشىندە مارتانىڭ بۇلشىق ەتى جانسىزدانىپ، قوزعالۋ مۇمكىندىگىنەن ايىرىلعان. كەيىننەن ونىڭ جاعدايى ءتىپتى ناشارلاپ، وزدىگىنشە تىنىس الا المايتىن بولعان. وسىلايشا، مارتا مەيسون تەز ارادا اۋرۋحاناعا جەتكىزىلىپ، تىنىس الۋدى قامتاماسىز ەتەتىن اپپارات كاپسۋلاسىنا جاتقىزىلدى. بۇل قۇرىلعىنىڭ ىشىندەگى قىسىمدى اۋىستىرۋ جولىمەن جۇزەگە اسقان.

دارىگەرلەر مارتانىڭ اناسىنا قىزى كاپسۋلادا كوپ دەگەندە ءبىر جىل ءومىر سۇرە الاتىنىن ايتقان. دەگەنمەن مەيسون ءدال سول كاپسۋلانىڭ ىشىندە 61 جىلىن وتكىزدى. ول مەكتەپتى ۇزدىك باعاعا ءبىتىرىپ، ەكى بەدەلدى ۋنيۆەرسيتەتتىڭ ديپلومىن الدى. وزىنە جۋرناليست ماماندىعىن تاڭداپ، جەرگىلىكتى گازەتتەردىڭ بىرىنە جۇمىسقا ورنالاسقان.

مارتا كاپسۋلادان وتە سيرەك جانە از ۋاقىتقا عانا شىعا العان. ول 60 جىلدىڭ ىشىندە كەز كەلگەن ۋاقىتتا اجال قۇشۋى مۇمكىن ەدى. مەيسون ومىردەن 2009 -جىلى 71 جاسىندا وتكەن.

nur.kz