ەلوردادا ءۇش كوشەدە شەكتى جىلدامدىق ساعاتىنا 60 شاقىرىمعا دەيىن تومەندەتىلدى
«جىلدامدىق نورماسىنىڭ ساقتالۋىن باقىلاۋ ماقساتىندا ءال- فارابي داڭعىلىندا پۋشكين كوشەسىنەن ر. قوشقاربايەۆ كوشەسىنە دەيىنگى ارالىقتا «سەرگەك» كامەرالارى ورناتىلدى، مۇندا بۇرىن ەڭ جوعارى جىلدامدىق 70 ك م/س ا ع بولاتىن. بۇل داڭعىلدىڭ بويىندا جاياۋ جۇرگىنشىلەر وتكەلدەرى مەن تروتۋارلاردىڭ جوقتىعىن، سونداي- اق قوزعالىستىڭ كوپتىگىن ەسكەرە وتىرىپ، باعدارشام ورناتىلعانعا دەيىن ماكسيمالدى جىلدامدىق 60 ك م/س ا ع دەيىن تومەندەتىلدى. بۇل اۋماقتىڭ بەلسەندى دامۋىن ەسكەرە وتىرىپ، جاياۋ جۇرگىنشىلەر باعدارشامىن سالۋ جوسپارلانىپ وتىر»، دەلىنگەن حابارلامادا.
سونداي- اق، «نۇر- سۇلتان - قاراعاندى» تاس جولىنىڭ بويىنداعى كۇيگەنجار تۇرعىن الابىنان قالا شەكاراسىنا دەيىن، تۇران داڭعىلىنىڭ بويىمەن قارقارالى تاس جولىنان ۇلى دالا داڭعىلىنا دەيىن 80 ك م/س ا ع- تان 60 ك م/س ا ع- قا دەيىن ماكسيمالدى جىلدامدىق تومەندەتىلدى.
پوليتسيا دەپارتامەنتىنىڭ مالىمەتىنشە، «سەرگەك» كامەرالارى كولىكتەردىڭ جىلدامدىقتى اسىرۋىن تىركەۋ 2021 -جىلدىڭ 28-جەلتوقسانىنان باستاپ جۇزەگە اسىرىلادى.