+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

اقتوبە قالاسىندا ەگىننىڭ 60 پايىزى كۇيىپ كەتتى

23 قىركۇيەك 08:02
:ءبولىسۋ
اقتوبە قالاسىندا ەگىننىڭ 60 پايىزى كۇيىپ كەتتى

اقتوبە. قازاقپارات - اقتوبە قالاسىندا بيىل 7 مىڭ گەكتار جەرگە ءداندى داقىل سەبىلدى. ونىڭ 4,5 مىڭ گەكتارى كۇيىپ، ەسەپتەن شىعارىلدى، دەپ حابارلايدى قازاقپارات ءتىلشىسى.

اقتوبە قالاسى ماڭىندا ەگىن ەگەتىن شارۋالار بيىل استىق جيناي المادى. كوبى كۇيىپ كەتتى.

«ءدان ۋاقىتىلى سەبىلىپ، جۇمىس جوسپارعا ساي جۇرگەنىمەن ماۋسىمدا كۇن قاتتى ىستىق بولدى. جاڭبىر جاۋمادى. مۇنىڭ ءبارى كەرى اسەرىن تيگىزدى. شارۋا قوجالىق باسشىلارى 4,5 مىڭ گەكتار جەردى ەسەپتەن شىعاردى. ول جەرگە كومباين جىبەرۋدىڭ دە قاجەتى بولمادى. تامىز ايىندا 2,4 مىڭ گەكتار جەر ورىلدى. ءتۇسىمى 2,2 سەنتنەر. قازىر 500 توننا عانا ءداندى داقىل جينالدى. بىلتىر 6 مىڭ توننا جيناپ ءجۇر ەدىك. سوعان قاراماستان مال ازىعىن جيناپ جاتىرمىز. كوپجىلدىق ءشوپ، جوڭىشقا وسىردىك. مۇندا دا بيىل گەكتارىنان 1,5 تسەنتنەر جينالدى. وتكەن جىلمەن سالىستىرعاندا ەكى ەسە از»، - دەدى اقتوبە قالالىق اۋىل شارۋاشىلىعى ءبولىمىنىڭ باسشىسى مۇرات توقبولاتوۆ.

ايتا كەتەيىك، بيىل مال اعىزىنىڭ باعاسىن تومەندەتۋ ءۇشىن بيۋدجەتتەن 6 ميلليارد تەڭگەدەن استام قارجى ءبولىندى. وبلىستاعى شارۋالارعا تەك ءشوپ ەمەس، جەمدى دە ساتىپ الۋعا مۇمكىندىك بەرىلەدى.

«مايلى داقىلداردىڭ شىعىمى دا كوڭىل كونشىتپەيدى. ىستىق بولدى، ەكىنشىدەن، جۇلدىزقۇرت قاپتاپ كەتتى. ماقسارىنى گەكتارىنان 6-7 سەنتنەر جينايمىز دەپ وتىر ەدىك، ءبىراق 2 سەنتنەردەن ءارى اسپايتىن سياقتى. ەكى اپتانىڭ ىشىندە مايلى داقىلدى جيناۋدى دا اياقتايمىز»، - دەدى مۇرات توقبولاتوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات