+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

اقمولادا تەكسەرىلگەن بالالار ويىنشىقتارىنىڭ 60 پايىزى نورماعا سايكەس كەلمەيدى

15 قىركۇيەك 12:52
:ءبولىسۋ
اقمولادا تەكسەرىلگەن بالالار ويىنشىقتارىنىڭ 60 پايىزى نورماعا سايكەس كەلمەيدى

كوكشەتاۋ. قازاقپارات - اقمولا وبلىسىندا ونەركاسىپ تاۋارلارىنا قاتىستى زاڭبۇزۋشىلىقتاردى جويۋ ءۇشىن كاسىپكەرلىك سۋبەكتىلەرىنە 117 ۇيعارىم بەرىلدى، دەپ حابارلايدى قازاقپارات ءتىلشىسى وبلىستىق سانيتارلىق- ەپيدەميولوگيالىق باقىلاۋ دەپارتامەنتى باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، وڭىردە اعىمداعى جىلدىڭ 8 ايىندا ءونىم قاۋىپسىزدىگىن مونيتورينگىلەۋ شەڭبەرىندە 2788 ءونىم سىناماسى زەرتتەلدى. ونىڭ ىشىندە 311 سايكەس كەلمەيتىن سىناما انىقتالدى، بۇل 11,1 پايىزدى قۇرادى. زەرتتەلگەن ۇلگىلەردىڭ جالپى كولەمىنەن 87,9 پايىزى تاڭبالاۋ بويىنشا تەحنيكالىق رەگلامەنتتەردىڭ تالاپتارىنا جاۋاپ بەرمەيدى، ال قاۋىپسىزدىكتىڭ ميكروبيولوگيالىق كورسەتكىشتەرى بويىنشا سايكەسسىزدىك 5 پايىزدى، فيزيكا- حيميالىق كورسەتكىشتەر بويىنشا 5,5 پايىزدى قۇرادى.

«زەرتتەۋمەن ونىمدەردىڭ بارلىق نەگىزگى توپتارى قامتىلعان، ونىڭ ىشىندە ءسۇت ونىمدەرى، قۇس ەتى، ەت جانە بالىق ونىمدەرى، كونديتەرلىك جانە نان- توقاش ونىمدەرى جانە باسقا دا ونىمدەرى بار. ازىق- تۇلىككە جاتپايتىن تاۋارلار توبىندا بالالار ويىنشىقتارى، كيىم، اياق كيىم، تۇرمىستىق حيميا تاۋارلارى، گيگيەنا قۇرالدارى، پارفيۋمەريا جانە كوسمەتيكا، تاماقپەن جاناساتىن ماتەريالدار، بالالار تاۋارلارى جانە باسقالارى تەكسەرىلدى»، - دەپ اتاپ ءوتتى ۆەدومستۆودان.

اقمولا وبلىسى سانيتارلىق- ەپيدەميولوگيالىق باقىلاۋ دەپارتامەنتىنىڭ ءبولىم باسشىسى جانار قاليەۆانىڭ ايتۋىنشا، 1998 مىڭنان استام تاماق ءونىمىنىڭ سىناماسى زەرتتەلگەن. ونىڭ 8,1 پايىزى بەلگىلەنگەن تالاپتارعا سايكەس كەلمەيدى.

ونەركاسىپتىك توپ تاۋارلارىنا كەلەتىن بولساق، كەلەسى تاۋار توپتارىندا سايكەسسىزدىك انىقتالدى: بالالار مەن جاسوسپىرىمدەرگە ارنالعان تاۋارلار اراسىندا - 56,1 پايىز، ونىڭ ىشىندە بالالار ويىنشىقتارى - 60 پايىز، جەڭىل ونەركاسىپ ونىمدەرى - 91,4 پايىز، پارفيۋمەرلىك- كوسمەتيكالىق ونىمدەر - 4,3 پايىز، تۇرمىستىق حيميا تاۋارلارى - 4,2 پايىز. «وسىعان بايلانىستى كاسىپكەرلىك سۋبەكتىلەرىنە انىقتالعان زاڭبۇزۋشىلىقتاردى جويۋ تۋرالى 117 ۇيعارىم بەرىلىپ، ونى جويۋ ءتارتىبى ءتۇسىندىرىلدى»، - دەپ تولىقتىردى ۆەدومستۆودان.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات