17:45, 12 - ءساۋىر 2021 | GMT +6
ناسا قازاقستاندىقتاردى عارىشقا العاشقى ادامنىڭ ۇشۋىنىڭ 60 جىلدىق مەرەيتويىمەن قۇتتىقتادى
نۇر- سۇلتان. قازاقپارات - NASA- نىڭ 13- اكىمشىسى دجيم برايدەنستاين قازاقستاندىقتاردى عارىشقا العاشقى ادامنىڭ ۇشۋىنىڭ 60 جىلدىق مەرەيتويىمەن قۇتتىقتادى، دەپ حابارلايدى قازاقپارات ق ر ءى ءى م باسپا ءسوز قىزمەتىنىڭ Telegram پاراقشاسىنا سىلتەمە جاساپ.
«قازاقستان حالقىن وسىنداي ماڭىزدى تاريحي كۇنمەن قۇتتىقتايمىن! مەن NASA اكىمشىسى دجيم برايدەنستاينمىن. 60 جىل بۇرىن الەم قازاقستاندا بايقوڭىردان عارىشقا العاشقى ادامنىڭ ۇشۋىن باقىلادى. سوڭعى 60 جىلدا كوپ نارسە وزگەردى. بۇگىنگى كۇنى ءبىز حالىقارالىق عارىش ستانساسىندا (ح ع س) الەم بويىنشا بارلىق ەلدەرمەن ارىپتەسپىز. ح ع س- دا بارلىعى بايقوڭىردىڭ ادامداردى عارىشقا جىبەرۋدەگى ورنى تۋرالى بىلەدى. سول سەبەپتى ءبىز قازاقستان حالقىنا وسىنداي ماڭىزدى ميسسيانىڭ بولشەگى بولعانى ءۇشىن العىس ايتامىز، سونىمەن قاتار تاريحي كۇنمەن قۇتتىقتايمىز»، - دەلىنگەن ۆيدەوقۇتتىقتاۋدا.
اۆتور: ءبيبىحان سەرىكوۆا