07:56, 10 - ناۋرىز 2021 | GMT +6
وسكەمەندە 60 جاستاعى قالتا ۇرىسى قولعا ءتۇستى
وسكەمەن. قازاقپارات - وسكەمەن قالاسىندا 60 جاستاعى قالتا ۇرىسىنا قاتىستى قىلمىستىق ءىس قوزعالدى، دەپ حابارلايدى قازاقپارات ءتىلشىسى.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، پوليتسياعا حابارلاسقان 36 جاستاعى ايەل «سپورت سارايى» ايالداماسىندا تۇرعاندا كۇرتەشەسىنىڭ قالتاسىنان بەلگىسىز بىرەۋدىڭ «SAMSUNG» ماركالى ەكى ۇيالى تەلەفونىن ۇرلاپ كەتكەنىن ايتقان.
وسىلايشا جابىرلەنۋشىگە 200000 تەڭگە مولشەرىندە ماتەريالدىق زالال كەلتىرىلگەن.
«جەدەل ىزدەستىرۋ شارالارىن جۇرگىزگەن كريمينالدىق پوليتسيا قىزمەتكەرلەرى كۇدىكتىنى قولعا ءتۇسىردى. 60 جاستاعى ەر ادام ءوز كىناسىن مويىنداپ وتىر. ۇرلانعان ۇيالى تەلەفوندار يەسىنە قايتارىلدى»، - دەدى ش ق و پ د باستىعى ساعات ماديەۆ.
قازىرگى ۋاقىتتا اتالعان فاكتى بويىنشا ق ر ق ك- ءنىڭ 188-بابى 1-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە.