باتىس قازاقستاندا 60 قا جۋىق بالادان كوروناۆيرۋس انىقتالدى

ورال. قازاقپارات - باتىس قازاقستان وبلىسىندا قاڭتار ايىندا 58 بالادان كوروناۆيرۋس انىقتالدى، دەپ حابارلايدى قازاقپارات ءتىلشىسى.

ب ق و دەنساۋلىق ساقتاۋ باسقارماسىنىڭ باسپا ءسوز قىزمەتى ءمالىم ەتكەنىندەي، قىركۇيەك ايىنان بەرى وڭىردە 263 بالا ىندەت جۇقتىرعان. سونىڭ ىشىندە قىركۇيەكتە - 4، قازاندا - 5، قاراشادا - 102، جەلتوقساندا 78 بالا اۋىردى.

قاراشا مەن جەلتوقساندا 16 بالاباقشا تاربيەلەنۋشىسى سىرقاتتاندى. بالالاردىڭ ءبارى دە ىندەتتى وتباسى مۇشەلەرىنەن جۇقتىردى. وبلىستا وسى كەزگە دەيىن 10030 ادام دەرتكە شالدىقسا، سونىڭ 8661 ى جازىلىپ شىقتى. 183 ادام ومىردەن وزدى. قازىرگى تاڭدا جۇقپالى اۋرۋلار ستاتسيونارلارىندا 299 ادام ەمدەلىپ جاتىر. 28 ادام جانساقتاۋ بولىمىندە. ەسكە سالا كەتەيىك، بقو- نىڭ بەس اۋدانىندا كارانتين كۇشەيتىلدى.