+7 (701) 759 90 19
-3 °С : نۇر-سۇلتان
5 °С : الماتى
USD 432.64 EUR 505.02
RUB 5.47 CNY 64.7
جاڭالىقتار

ماناس داستانى 60 جىلدان كەيىن قازاق وقىرماندارىنىڭ قولىنا قايتا جەتتى

23 قىركۇيەك 14:01
:ءبولىسۋ
ماناس داستانى 60 جىلدان كەيىن قازاق وقىرماندارىنىڭ قولىنا قايتا جەتتى

نۇر-سۇلتان. قازاقپارات - دوستىق ۇيىندە تۇركى اكادەمياسى جانە قازاقستان حالقى اسسامبلەياسىنىڭ ۇيىمداستىرۋىمەن «بەكەم باۋىرلاستىق بايلانىستار: ماناستان ابايعا دەيىن» اتتى القالى جيىن ءوتتى، دەپ حابارلايدى قازاقپارات ءتىلشىسى.

شارا بارىسىندا حالىقارالىق تۇركى اكادەمياسى دايىنداعان «ماناس» ەپوسىنىڭ قازاق تىلىندەگى نۇسقاسى جانە اباي شىعارمالارىنىڭ قىرعىز تىلىندەگى اكادەميالىق باسىلىمى تانىستىرىلدى.

«قازاقستان حالقى اسسامبلەياسىنىڭ 25 جىلدىعىنا وراي ەكى ءسۇيىنشى جاڭالىعىمىز بار. بۇل باۋىرلاستىق بايلانىسىمىزدى بەكەمدەي تۇسەتىن رۋحاني قازىنالارمەن تولىعىپ جاتىر. 1961 -جىلعى مۇحتار اۋەزوۆتىڭ باسشىلىعىمەن جارىق كورگەن «ماناس» داستانى 60 جىلدان كەيىن قازاق وقىرماندارىنىڭ قولىنا قايتا جەتىپ وتىر. جىرشى، ماناسشى بايانعالي ءالىمجانوۆ ءوزىنىڭ كەرەمەت شەبەرلىگىمەن قازاقشالاپ شىقتى»، - دەيدى تۇركى اكادەمياسىنىڭ پرەزيدەنتى دارحان قىدىرالى.

سونداي-اق، بيىل ۇلى ابايدىڭ 175 جىلدىعى.


«بۇل قازاق ەلىندە عانا ەمەس، باۋىرلاس تۇركى جۇرتتارىندا دا كەڭىنەن اتاپ وتىلۋدە. سونىڭ ءبىر جارقىن ايعاعى - اباي تەك قانا قازاقتىڭ اقىنى ەمەس، قىرعىزعا دا ورتاق تۇلعا رەتىندە اكادەميالىق تاڭدامالى جيناعى ءبىرىنشى رەت جارىق كورىپ وتىر. تۇرىك اكادەمياسى وسى ەكى ەڭبەكتى سىزدەرگە ۇسىنۋ مارتەبەسىنە يە بولدى»، - دەيدى ول. جيىن باستالعان كەزدە اتالعان ەكى ەڭبەكتىڭ تۇساۋى كەسىلدى.


اۆتور: زارينا قاھارمان



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات