اۋرۋحانالارداعى ورىن 60 پايىزعا بوسادى - دەنساۋلىق مينيسترلىگى

نۇر- سۇلتان. قازاقپارات - دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ اۋرۋحانالارداعى جاعداي بويىنشا ايتىپ بەردى، دەپ حابارلايدى قازاقپارات ءتىلشىسى.

«كارانتيننىڭ 5 - اپتاسىندا، وسى شىلدە ايىنىڭ باسىنان بەرى اۋرۋحانالارداعى ورىندار 60 پايىزعا بوسادى. ونىڭ ىشىندە جانساقتاۋ ساقتاۋ بولىمىندەگى ورىندار 58 پايىزعا دەيىن بوساپ وتىر. جەدەل جاردەمگە حابارلاسۋ ايتارلىقتاي ازايدى، ك ۆ ي بويىنشا 68 پايىزعا تومەندەدى. قابىلدانعان كەشەندى شارالاردىڭ ناتيجەسىندە جازىلىپ شىققان ناۋقاستاردىڭ سانى 73 پايىزعا ءوستى»، - دەدى رەسمي وكىل ورتالىق كوممۋنيكاتسيالار قىزمەتىندە.

بۇدان بولەك ول باسقا اۋرالاردان بولاتىن ءولىم- ءجىتىم جاعدايى بويىنشا مالىمەتتەردى ايتتى.

«جالپى، قازاقستاندا اۋرۋ تۇرلەرى مەن ءولىم- ءجىتىم كورسەتكىشى بىلتىرعى جىلمەن سالىستىرعاندا وڭ ناتيجەلى بولىپ وتىر. قۋانىشتىسى - بالا تۋۋ كورسەتكىشىنىڭ ءوسىمى دە بايقالىپ وتىر جانە كەرىسىنشى، نارەستەلەردىڭ ءولىمى 13,3 پايىزعا تومەندەگەن. تاعى ءبىر جاعىمدى جاڭالىق، قازاقستاندا تۋبەركۋلەزدان بولاتىن ءولىم 20 پايىزعا دەيىن ازايعان»، - دەدى باعدات قوجاحمەتوۆ.

اۆتور: رۋسلان عابباسوۆ