+7 (701) 759 90 19
20 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قۇربان ايت: 60 مىڭعا جۋىق مۇقتاج وتباسىعا ەت جەتكىزىلدى

2 تامىز 16:12
:ءبولىسۋ
قۇربان ايت: 60 مىڭعا جۋىق مۇقتاج وتباسىعا ەت جەتكىزىلدى

نۇر- سۇلتان. قازاقپارات - قازاقستانداعى قۇربان شالۋ راسىمىنە قاتىستى ۇيىمداستىرۋ- ۇيلەستىرۋ جۇمىستارى جوعارى دەڭگەيدە ءوتتى. بۇل تۋرالى قازاقپارات muftiyat.kz سايتىنا سىلتەمە جاساپ حابارلايدى.

ۇيلەستىرۋ جۇمىستارىنا بەكىتىلگەن قمدب قىزمەتكەرلەرى كۇشەيتىلگەن رەجيمدە جۇمىس ىستەپ، ءوز مىندەتتەرىن ءتيىستى دەڭگەيدە ورىندادى. جۇمىس بارىسىندا سانيتارلىق تالاپتاردىڭ ساقتالۋى قاتاڭ قاداعالاندى. مۇسىلمان قاۋىمىنىڭ ۇلىق مەيرامىندا قايىرىمدىلىق شاراسىن جانداندىرا ءتۇسۋ ماقساتىندا قۇرىلعان ارنايى جۇمىس توبى رەسپۋبليكا بويىنشا 58456 مۇقتاج وتباسىعا قۇرباندىق ەتىن جەتكىزدى. ەلىمىز بويىنشا www.qurban2020.kz سايتىنا قاشىقتان قۇربان شالۋعا تاپسىرىس بەرگەن ازاماتتاردىڭ ۋاكىلدىك قۇرباندىعى تولىعىمەن ورىندالدى. وسى ۋاكىلدىك قۇرباندىعىنىڭ ەسەبىن قاجەت ەتكەن جاندارعا اتقارىلعان ءىس- شارالاردىڭ فوتو، ۆيدەو مالىمەتى تولىق جىبەرىلدى. ۋاكىلدىك قۇرباندىققا قاتىستى تۋىنداعان سۇراقتار بويىنشا ازاماتتەرمەن جەكە جۇمىس جاسالىپ، ماماندارىمىز ءتيىستى جاۋاپتارىن بەردى. سۇراقتار تولىعىمەن قاناعاتتاندىرىلدى.

ايتا كەتسەك، ايتتىڭ ءبىرىنشى كۇنى (31.07.2020) ق م د ب- نىڭ ايماقتاعى وكىلدىكتەرى كومەككە ءزارۋ 30715 وتباسىعا قۇرباندىق ەتىن جەتكىزىپ، مەرەكەلىك قۋانىشقا بولەگەن بولاتىن. ال ايتتىڭ ەكىنشى كۇنىندە (01.08.2020) 27741 وتباسىعا ەت ۇلەستىرىلدى. جالپى العاندا، ياعني، بارلىق وبلىستى قامتىعاندا قۇربان ايتتىڭ ەكى كۇنىندە 58456 جانۇياعا ەت جەتكىزىلدى. سونىمەن قاتار، قۇرباندىققا شالىنعان مال ەتى قارتتار، جەتىمدەر، بالالار ۇيلەرى مەن اۋرۋحانالارعا تەگىن تاراتىلدى. مەرەكەلىك قۋانىشقا بولەنگەن جاندار العىستارىن ايتىپ، ريزاشىلىق سەزىمدەرىن بىلدىرۋدە. سونداي- اق، قاشىقتان قۇربان شالۋعا تاپسىرىس بەرگەن ازاماتتار تاراپىنان دا تەلەفون، الەۋمەتتىك جەلى، ۋاتساپ ارقىلى جىلى لەبىزدەر مەن يگى تىلەكتەر كەلىپ تۇسۋدە.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات