قازاقستاندا جەڭىل ونەركاسىپتىڭ %60- دان استامى توقىما وندىرىسىنە تيەسىلى
توقىما بۇيىمدارى ىشىندە ماقتا- ماتا شىعارۋ % 3,5- كە (2020 -جىلدىڭ قاڭتار- ساۋىرىندە 8,1 ميلليون شارشى مەترگە دەيىن) جانە ءۇي شارۋاشىلىعىنا قاجەتتى دايىن توقىما بۇيىمدارى % 5,7- كە (7,4 ميلليون داناعا، سونىڭ ىشىندە توسەك- ورىن جابدىعى - 2,5 ميلليون داناعا، ءبىر جىلدا +22,1 پايىزعا ارتقان) وسكەن.
2020 -جىلدىڭ قاڭتار- ساۋىرىندە توقىلماعان ماتەريالدار مەن بۇيىمدار شىعارۋ 1,9 ميلليون شارشى مەتردى قۇراعان. ماتا شىعارۋ ءۇش وڭىردە دامىعان: پاۆلودار (14,4 ميلليون شارشى مەتر) جانە قوستاناي (0,4 ميلليون شارشى مەتر) وبلىستارىندا، سونداي- اق شىمكەنتتە (8,6 ميلليون شارشى مەتر). بايپاق پەن جۇقا كيىزدەن جاسالعان اياق- كيىم اقمولا (15,5 مىڭ جۇپ) مەن شىعىس قازاقستان وبلىستارىندا (4,6 مىڭ جۇپ) وندىرىلەدى.
ماقتا تولىعىمەن تۇركىستان وبلىسىندا شىعارىلادى. توقىما بۇيىمدارىن ءوندىرۋ كولەمى 2020 -جىلدىڭ قاڭتار- ساۋىرىندە 23,4 ميلليارد تەڭگە قۇراعان. بۇل وتكەن جىلمەن سالىستىرعاندا 20,5 پايىزعا كوپ. جەڭىل ونەركاسىپتەگى توقىما ۇلەسى 55,5 پايىزدان 60,1 پايىزعا ارتقان.
ەسكە سالايىق، ماۋسىمنىڭ ەكىنشى جەكسەنبىسىندە جەڭىل ونەركاسىپ سالاسىنىڭ قىزمەتكەرلەرى كاسىبي مەرەكەلەرىن اتاپ ءوتتى. قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى قازىرگى ۋاقىتتا جەڭىل ونەركاسىپ سالاسى مەملەكەت تاراپىنان اسا ءمان بەرىلىپ وتىرعان باسىم باعىتتاردىڭ ءبىرى ەكەنىن حابارلادى.