وڭتۇستىك كورەيادا ءبىر تاۋلىكتە 60 ادام كوروناۆيرۋس جۇقتىردى
وسىلايشا، اتالمىش دەرتكە شالدىققاندار سانى 893 كە جەتتى. بۇگىنگى كۇنگە دەيىن 8 ادام كوروناۆيرۋستان كوز جۇمعان.
ۇكىمەت ەلدەگى ەكى ايماق ۆيرۋستىڭ وشاعىنا اينالعانىن ءمالىم ەتتى، ولار - وڭتۇستىك-شىعىستاعى تەگۋ قالاسىنداعى ءدىني سەكتا، ال ەكىنشىسى - كورشىلەس ورنالاسقان چحوندو شتاتىنداعى اۋرۋحانا. وندا ينفەكسيا جۇقتىرعاندار سانى وتە جىلدام ءوسىپ جاتىر. ايتا كەتەيىك، وڭتۇستىك كورەيادا كوروناۆيرۋسقا شالدىققانداردىڭ جارتىسىنان استامى اتالمىش ايماقتاردا تۇرادى.
سوڭعى ءبىر كۇندە اۋرۋ جۇقتىرعان 60 ادامنىڭ 49 ى - سەۋلدەن 300 شاقىرىم قاشىقتىقتا ورنالاسقان تەگۋ قالاسى مەن كورشىلەس سولتۇستىك كەنسان پروۆينتسياسىنىڭ تۇرعىندارى.
ءىرى پروۆينتسيالار مەن قالالاردىڭ بارىندە دەرلىك ۆيرۋس جۇقتىرۋدىڭ جاڭا جاعدايلارى تىركەلگەن. كورەيالىق اۋرۋلاردىڭ الدىن الۋ جانە باقىلاۋ ورتالىعىنىڭ (KCDC) مالىمەتىنشە، سەۋلدە ەكى ادام قاتەرلى دەرتكە شالدىقسا، پۋساندا - 3 ادام، كەنگي پروۆينتسياسىندا - 5 ادام اۋرۋ جۇقتىردى.
ەسكە سالا كەتەيىك، كەشە عانا وڭتۇستىك كورەيا ۇكىمەتى كوروناۆيرۋس جۇقتىرعاندار سانى رەكوردتىق دەڭگەيگە جەتكەنىن جاريالاعان ەدى. ال جەكسەنبىدە ەلدەگى ۆيرۋستى ەسكەرتۋ دەڭگەيى ەڭ جوعارعى - «قىزىلعا» دەيىن كوتەرىلدى.