20:30, 24 - اقپان 2020 | GMT +6
يراندا كوروناۆيرۋستى جۇقتىرعاندار سانى 60 ادامعا جەتتى
نۇر-سۇلتان. قازاقپارات – يراندا كوروناۆيرۋسقا شالدىققاندار سانى 60 قا جەتتى. ال قاتەرلى دەرتتەن قازا تاپقاندار 20 عا جۋىقتاعان.
بۇل تۋرالى يران يسلام رەسپۋبليكاسىنىڭ دەنساۋلىق ساقتاۋ ءمينيسترىنىڭ ورىنباسارى مالىمدەدى. وسىلايشا بۇل ەل اتالعان كەسەلدەن كوز جۇمعاندار سانى بويىنشا قىتايدان كەيىن ەكىنشى ورىنعا شىقتى.
جاعدايدىڭ ۋشىعۋىنا بايلانىستى وڭىرلەردە مەكتەپتەر ۋاقىتشا جابىق تۇر. بۇعان قوسا ەل اۋماعىندا مادەني شارالاردى وتكىزۋگە تىيىم سالىنعان. ءوز كەزەگىندە كورشى ەلدەر ساقتىق شارالارى رەتىندە يرانمەن اراداعى شەكارانى جابا باستادى. ونىڭ ىشىندە تۇركيا، اۋعانستان، ارمەنيا مەن پاكىستان ەلدەرى بار.
www.24.kz